Verðlaun 2017

Stigahæsti karl og stigahæsta konan í öllum fimm Powerade Sumarhlaupunum samanlagt fá veglegan ferðavinning frá Powerade í verðlaun. Hlauparar í öðru sæti stigakeppninnar fá Adidas skó og fyrir þriðja sæti er gjafabréf frá Powerade.

Það er árangur í vegalengdinni 10 km í öllum hlaupunum sem gildir til stiga í Powerade Sumarhlaupunum nema í Víðavangshlaupi ÍR þar sem 5 km hlaup gildir til stiga.

Einnig er stigakeppni í aldursflokkum og hljóta stigahæstu hlaupararnir í eftirfarandi aldursflokkum karla og kvenna gjafabréf frá Powerade.

18 ára og yngri
19-29 ára
30-39 ára
40-49 ára
50-59 ára
60 ára og eldri

Í síðasta hlaupi Powerade Sumarhlaupanna, Reykjavíkurmaraþoni Íslandsbanka, verður dregið um verðlaun meðal allra keppanda mótaraðarinnar sem tekið hafa þátt í tveimur eða fleiri hlaupum. Hlaupari sem tekur þátt í öllum hlaupunum á meiri möguleika á að fá verðlaun þar sem hann fær nafn sitt fimm sinnum í pottinn sem útdráttarverðlaun eru dregin úr. Þeir sem hlaupa í fjórum hlaupum fá nafn sitt fjórum sinnum í pott o.s.frv. Í verðlaun eru gjafabréf frá Powerade.