Heim flag

3 km skemmtiskokk

Frá árinu 1993 hefur þátttakendum í Reykjavíkurmaraþoni boðist að hlaupa 3 km skemmtiskokk án tímatöku og hefur vegalengdin frá upphafi verið vinsæl.  Hvert ár taka á bilinu 1.500-2.000 manns þátt.

Þátttakendur

3 km skemmtiskokkið er hentugt fyrir alla aldurshópa. Algengt er að fjölskyldur hlaupi saman þessa vegalengd. Þátttaka hefur verið um 2000 manns þar af um helmingur börn. 

Skráning

Skráning í maraþon fer fram á vef Reykjavíkurmaraþons en einnig er hægt að skrá sig á skráningarhátíð daginn fyrir hlaup. Athugið þó að þátttökugjald hækkar eftir því sem nær dregur hlaupi og því borgar sig að skrá sig tímanlega. Smellið hér til að fá nánari upplýsingar um skráningu í Reykjavíkurmaraþon Íslandsbanka.

Leiðin

Hlaupið hefst eins og aðrar vegalengdir Reykjavíkurmaraþons í Lækjargötu fyrir framan Menntaskólann í Reykjavík og endar á sama stað. Hlaupin er skemmtileg leið í miðbæ Reykjavíkur um eftirfarandi götur: 

Lækjargata, Fríkirkjuvegur, Sóleyjargata, Skothúsvegur, Tjarnargata, Kirkjustræti, Pósthússtræti, Hafnarstræti, Vesturgata, Grófin, Tryggvagata og Lækjargata.

Smellið hér til að skoða kort af hlaupaleiðinni.

Tímataka

Tímataka verður í skemmtiskokki eins og öðrum vegalengdum. Því þurfa allir sem taka þátt að hafa tímatökuflögu fasta í skóreimunum til að fá skráðan tíma. Sjá nánar um tímatöku hér. Þrátt fyrir að tímataka sé í hlaupinu eru ekki veitt sérstök verðlaun fyrir þau sem koma fyrst í mark í 3 km skemmtiskokkinu. Að loknu hlaupi verða birt heildarúrslit án flokkunar eftir kynjum eða aldri. Þau er hugsað til hvatningar fyrir hvern og einn en ekki út frá keppni.   

Verðlaun

Allir hlauparar sem koma í mark fá þátttökuverðlaun.

Sendu okkur póst á  This email address is being protected from spambots. You need JavaScript enabled to view it.  ef þig vantar nánari upplýsingar um 3 km skemmtiskokkið í Reykjavíkurmaraþoni Íslandsbanka.

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.