Heim flag

Rútuferðir 2017

Þátttakendum í Laugavegshlaupinu stendur til boða að taka rútu á vegum skipuleggjenda frá Reykjavík að upphafspunkti hlaupsins í Landmannalaugum og til baka til Reykjavíkur frá Þórsmörk. Ekki er mögulegt að kaupa aðeins aðra leiðina því sömu rútur eru notaðar báðar leiðir. Rútupantanir munu síðan fara fram á "Mínar síður", þær hefjast í lok júní og lýkur 2.júlí.

Rútugjald

Hlauparar – Rvk- Landmannalaugar og Húsadalur-Rvk 13.500 kr
Aðrir – Rvk-Landmannalaugar-Húsadalur-Rvk 20.700 kr *
Aðrir – Rvk-Húsadalur og Húsadalur-Rvk 16.800 kr *

* fyrst bókar þú farið fyrir gestinn þinn á ,mínum síðum' og sendir síðan tölvupóst á  This email address is being protected from spambots. You need JavaScript enabled to view it.  til að láta vita hvorn valkostinn hann vill.

Greiða þarf rútugjaldið við afhendingu gagna 13.-14.júlí.

Rútupantanir

Rútupantanir fara fram á "Mínar síður" og fá hlauparar póst þegar hægt er að byrja að panta. Síðasti dagur til að bóka í rútu er sunnudagur 2.júlí.

Þátttakendur þurfa að láta vita með tölvupósti á netfangið This email address is being protected from spambots. You need JavaScript enabled to view it. ef þeir vilja gera breytingar á einhverjum af pöntuðu rútumiðunum sínum. Með breytingum er átt við ef þeir t.d. vilja fara fyrr í Landmannalaugar eða fara seinna úr Þórsmörk. Ef óskað er eftir breytingum verður rútumiðanum breytt í rútumiða sem hægt er að nota í almenna rútuáætlun Kynnisferða. Rútuáætlun Kynnisferða má finna hér.

Frá Reykjavík

Rútur í Landmannalaugar fara af stað frá Skautahöllinni í Laugardal, Múlavegi 1, 104 Reykjavík og er brottför kl. 04:30 á hlaupdag þann 15. júlí. Rúturnar koma á svipuðum tíma inn í Landmannalaugar. Athugið að ekki er mikill tími frá því að rútur koma í Landmannalaugar og þar til hlaupið hefst enda engin aðstaða þar fyrir hlaupara og mikilvægt að allir séu komnir í hlaupafötin í rútunni. Sjá nánar hér.

Frá Húsadal til Reykjavíkur

Laugardagur: Áætlað er að fyrsta rúta fari úr Húsadal kl.18 og sú síðasta kl.20. Þau sem hafa keypt far með rútu hlaupsins verða með sérmerkt armband og þurfa að mæta fyrir framan aðalhúsið milli kl.18 og 20. Rúturnar fara af stað um leið og þær fyllast.

Sunnudagur: Þeir sem ætla í rútu á sunnudegi skulu sækja sérstakan miða við afhendingu gagna 13.-14. júlí. Farið verður með áætlunarbílum Kynnisferða til Reykjavíkur. Brottför er kl. 8:00, kl. 16:00 og kl.20:40 frá Húsadal.

Aðstandendur

Hlauparar sem vilja hafa aðstandendur með sér í rútu hlaupsins geta pantað miða fyrir þá í gegnum „mínar síður“. Athugið að verð í rútu fyrir aðra en hlaupara er það sama og ef keyptar eru ferðir hjá Kynnisferðum.

Ekki er mælt með því að aðstandendur fari með hlaupurum inní Landmannalaugar á hlaupdegi því rútuferðin er löng og á leiðinlegum vegum. Aðstandendur sem fara með hlaupurum í Landmannalaugar, þaðan í Þórsmörk og svo til Reykjavíkur að hlaupi loknu þurfa samtals að sitja í rútu í 11 klukkustundir. Frekar er mælt með því að aðstandendur hitti sína hlaupara í Húsadal og taki því rútu frá Umferðamiðstöðinni kl.8 á hlaupdag sem fer beint í Þórsmörk eða að þeir nýti sér ferðir yfir Krossá eða frá Seljalandsfossi eða Hvolsvelli sem bent er á hér fyrir neðan.

Hlauparar sem panta sæti í rútu fyrir sína aðstandendur á „mínum síðum“ þurfa að senda póst á This email address is being protected from spambots. You need JavaScript enabled to view it. með upplýsingum um hvaða ferð þeir ætla að nýta sér. Greiða þarf gjaldið við afhendingu gagna 13.-14.júlí.

Ferðir yfir Krossá

Rúta á vegum Kynnisferða býður uppá ferðir yfir Krossá í tengslum við Laugavegshlaupið. Rútan fer frá afleggjaranum í Húsadal laugardaginn 15.júli á hálftíma fresti milli kl.12:00 og 15:00. Að hlaupi loknu fer rútan til baka kl. 17:30, 18:00 og 20:40. Gjaldið er 1.000 kr. fyrir ferð, 500 kr fyrir 12-15 ára en frítt fyrir 11 ára og yngri (fædd 2006). Ekki þarf að bóka í þessar ferðir fyrirfram og er gjaldið greitt á staðnum.

Ferðir frá Seljalandsfossi og Hvolsvelli

Hægt er að kaupa rútuferðir frá Seljalandsfossi og Hvolsvelli inn í Húsadal og til baka hjá Kynnisferðum. Slíkar ferðir gætu hentað áhorfendum sem ekki treysta sér eða sínu farartæki til að keyra malarveginn inn í Þórsmörk. Tímasetningar á ferðum Kynnisferða til og frá Þórsmörk og verð má finna hér á heimasíðu Kynnisferða.

(tímasetningar geta breyst lítillega þegar nær dregur hlaupi eða vegna seinkana)

04:30 Rúta hlaupsins fer frá Skautahöllinni (Skautahöllin í Laugardal, Múlavegi 1, 104 Reykjavik)
05:00 Hópur sóttur á Selfossi - Eingöngu þátttakendur sem óskað hafa eftir því sérstaklega að koma inn í rútuna á Selfossi í gegnum netfangið This email address is being protected from spambots. You need JavaScript enabled to view it. .
06:45 Morgunverðar stopp í Hrauneyjum
07:00 Lagt af stað frá Hrauneyjum
08:30 Komið að rásmarki í Landmannalaugum
09:00 Hlaupið byrjar
18:00 Fyrsta rútan á leið frá Húsadal, Þórsmörk til Reykjavíkur fer af stað
20:00 Síðasta rútan á leið frá Húsadal, Þórsmörk til Reykjavíkur fer af stað
21:00 Fyrsta rútan kemur til Reykjavíkur
23:00 Síðasta rútan kemur til Reykjavíkur

 

2015-andri-rutur

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.