Skráningarhátíð 2016

Skráningarhátíð Reykjavíkurmaraþons Íslandsbanka 2016 fer fram í Laugardalshöll. Á hátíðinni fá allir þátttakendur afhent hlaupagögn. Meðal annars þátttökunúmer og tímatökuflögu til að festa á skóreimarnar. Einnig verður hægt að skrá sig á skráningarhátíðinni.

Opnunartímar

Fimmtudagur 18.ágúst kl.15-20
Föstudagur 19.ágúst kl.14-19

Mjög gott aðgengi er að húsinu og nóg af bílastæðum. Við Laugardalshöll eru 420 bílastæði og í næsta nágrenni þ.e. við Skautahöllina eru 220 stæði. Einnig eru 600 stæði við Laugardalsvöll sem er stutt frá auk þess sem margir strætisvagnar stoppa í nágrenninu.

Gengið er inn um inngang A í Laugardalshöll og fer afhending hlaupagagna fram í frjálsíþróttahúsinu.

 

Fit and Run 2016

Í ár verður skráningarhátíð Reykjavíkurmaraþons Íslandsbanka hluti af stórsýningunni FIT & RUN 2016. Sýningin er fyrir alla fjölskylduna þar sem áhersla er lögð á undirbúning hlaupara fyrir Reykjavíkurmaraþon Íslandsbanka, almenna hreyfingu, heilsufæði, fatnað, skóbúnað og aðrar stuðningsvörur hlauparans, ásamt skemmtilegum uppákomum. Á heimasíðu sýningarinnar má finna nánari upplýsingar um sýnendur og dagskrá.