Heim flag

Upplýsingar fyrir fatlaða þátttakendur

 

  1. Skráning
    Þátttakendur í hjólastól eru vinsamlega beðnir að haka við það í skráningarferlinu að þeir muni taka þátt í hlaupinu í hjólastól. Þegar nær dregur hlaupi munu þeir fá sendar upplýsingar er varða öryggi þeirra og annarra í hlaupinu.

  2. Fylgdarmenn
    Fatlaðir þátttakendur í Reykjavíkurmaraþoni Íslandsbanka geta haft með sér einn fylgdarmann í hlaupinu sér að kostnaðarlausu ef þeir óska þess. Fylgdarmaður fær merkingu sem sýnir að hann megi vera á hlaupabrautinni en hann fær ekki tíma, bol eða önnur gögn hlaupsins.

    Skrá þarf fylgdarmann með því að senda nafn hans ásamt nafni og kennitölu þátttakenda sem hann fylgir, á netfangið This email address is being protected from spambots. You need JavaScript enabled to view it. . Fylgdarmaður fær afhent sérmerkt þátttökumerki á úrlausnaborði á skráningarhátíðinni.

  3. Hlaupabrautin
    Allir þátttakendur í Reykjavíkurmaraþoni Íslandsbanka eru á eigin ábyrgð. Hlaupabrautin er ekki alveg lokuð umferð og því mikilvægt að sýna aðgát. Auk þess er vakin athygli á því að hlaupabrautin getur verið á köflum erfið yfirferðar fyrir hjólastóla. Má þar nefna hraðahindranir, gróft undirlag og misfellur sem geta verið varasamar. Af öryggisástæðum þurfa þátttakendur í hjólastólum eða með önnur hjálpartæki að vera aftast í upphafi hlaups. (Sjá nánar undir hraðahólf)

  4. Hjólastólakeppni í hálfmaraþoni
    Í Reykjavíkurmaraþoni Íslandsbanka 19.ágúst 2017 verður gerð tilraun með keppni í hjólastólaflokki í hálfu maraþoni ef næg þátttaka fæst. Keppnin er bundin við keppnishjólastóla (racing wheelchair) í opnum flokki T 51 - T54.

    Sækja þarf um rétt til þátttöku í hjólastólakeppninni. Að lokinni skráningu í hlaupið þarf að senda umsókn á netfangið This email address is being protected from spambots. You need JavaScript enabled to view it. . Í umsókninni þarf að koma fram áætlaður tími og/eða tími sem viðkomandi á úr annarri keppni keppnishjólastóla. Þessum pósti þarf auk þess að fylgja nafn, kennitala og netfang þátttakanda. Umsókn þarf að berast fyrir 1.ágúst. 

    Þeir þátttakendur sem öðlast þátttökurétt í hjólastólakeppninni verða ræstir saman samkvæmt skipulagi hlaupsins sem kynnt verður þátttakendum síðar. Verðlaun verða veitt fyrir 1., 2., og 3. sæti í flokki karla og 1., 2. og 3.sæti í flokki kvenna ef næg þátttaka fæst.

    Athygli skal vakin á því að til þess að keppnin verði haldin þurfa að vera þrír þátttakendur í karla og/eða þrír þátttakendur í kvenna flokki.

  5. Verðlaun
    Allir þátttakendur fá verðlaunapening þegar þeir koma í mark í Reykjavíkurmaraþoni Íslandsbanka og fá skráðan tíma hafi þeir tekið þátt í vegalengd með tímatöku.

    Þátttakendur í hjólastól geta ekki unnið til verðlauna fyrir fyrstu þrjú sætin eða aldursflokkaverðlaun í hlaupinu.

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.