Heim flag

  • 18.ágúst 2018

    Reykjavíkurmaraþon Íslandsbanka 2018 fer fram laugardaginn 18.ágúst. Þátttakendur geta valið á milli fimm vegalengda sem henta fyrir alla aldurshópa og fjölbreytt getustig.  Skráning í hlaupið hefst í janúar 2018. 
  • Hlaupastyrkur.is

    Áheitasöfnun Reykjavíkurmaraþons Íslandsbanka fer fram á vefnum hlaupastyrkur.is. Þar geta skráðir þátttakendur safnað áheitum fyrir skráð góðgerðafélög. Hver sem er getur farið inná hlaupastyrkur.is og heitið á skráða hlaupara. Hægt er að greiða áheit með kreditkorti, debetkorti, sms skilaboðum eða með Kass appinu.   

  • Powerade Sumarhlaupin

    Reykjavíkurmaraþon Íslandsbanka er hluti af Powerade Sumarhlaupunum sem er mótaröð hlaupa í Reykjavík. Verðlaun eru í boði fyrir flest stig samanlagt í hlaupunum fimm í karla og kvennaflokki. Sjá nánar á marathon.is/powerade.
  • Gjafabréf

    Gjafabréf í Reykjavíkurmaraþon Íslandsbanka er góður kostur fyrir þau sem vilja gefa ávísun á skemmtilega upplifun og hvatningu til aukinnar hreyfingar. Gjafabréfið gildir í fjögur ár sem greiðsla í alla viðburði á vegum Íþróttabandalags Reykjavíkur. Smelltu hér til að kaupa. 
  • 35. hlaupið

    Reykjavíkurmaraþon fer fram í 35.sinn laugardaginn 18.ágúst 2018. Fyrsta Reykjavíkurmaraþonið fór fram árið 1984 en þá tóku 214 hlauparar frá átta löndum þátt. Árið 2017 tóku rúmlega 14 þúsund manns þátt í hlaupinu.

Auðvelt að heita á hlaupara

Líkt og undanfarin ár geta hlauparar í Reykjavíkurmaraþoni Íslandsbanka hlaupið til styrktar góðum málefnum. Við skráningu í hlaupið hér á marathon.is geta hlauparar valið sér góðgerðafélag sem fær þá fjárhæð sem viðkomandi safnar.

Hlauparar geta síðan farið á „mínar síður“ og þaðan sent vinum og vandamönnum áskorun um að heita á sig. Þannig fá hlauparar ennþá meiri hvatningu um að standa sig vel og klára hlaupið og leggja góðu málefni lið um leið. 

Það eru þó ekki aðeins vinir og vandamenn sem geta heitið á hlaupara því listi yfir alla sem hlaupa til góðs er birtur hér á marathon.is. Hver sem er sem hefur aðgang að tölvu og kreditkorti getur farið á heimasíðuna og heitið upphæð að eigin vali á þau málefni og/eða einstaklinga sem þeim lýst best á.

Íslandsbanki mun eins og áður heita á starfsmenn sem taka þátt í Reykjavíkurmaraþoninu og renna áheitin óskipt til þeirra góðgerðafélaga sem starfsmenn kjósa að hlaupa fyrir. Sú breyting verður á áheitum bankans á starfsmenn að í ár verður greidd föst upphæð til starfsmanns m.v. þá vegalengd sem viðkomandi hleypur.

Smellið hér til að kynna ykkur nánar góðgerðamálin.

Nýjar hlaupaleiðir

Laugardaginn 22.ágúst fer Reykjavíkurmaraþon Íslandsbanka fram í miðborginni. Þá verða nýjar hlaupaleiðir í 3 km skemmtiskokki og Latabæjarhlaupi teknar í notkun.


Latabæjarhlaupið hefur farið fram á grassvæðinu við Háskóla Íslands undanfarin tvö ár en verður nú fært í Hljómskálagarðinn. Boðið verður uppá þrjár mis langar hlaupaleiðir í kringum Tjörnina og um Hljómskálagarð fyrir mismunandi aldurshópa. Nánari upplýsingar um Latabæjarhlaupið má finna hér.


Skemmtiskokk Reykjavíkurmaraþonsins hefur einnig verið fært nær miðbænum. Hlaupið verður ræst eins og áður í Lækjargötu en hlaupið verður í kringum Tjörnina og Hljómskálagarð. Hlaupið er 3 km og því hentugt fyrir alla aldurshópa. Smelltu hér til að skoða kort af hlaupaleiðinni.


Ekki hafa verið gerðar breytingar á öðrum vegalengdum Reykjavíkurmaraþons Íslandsbanka 2009. Smellið hér til að skoða kort af hlaupaleiðum.

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.