• Reykjavíkurmaraþon Íslandsbanka

    Reykjavíkurmaraþon Íslandsbanka 2017 fer fram laugardaginn 19.ágúst. Búast má við að um 15 þúsund manns taki þátt í hlaupinu en hægt er að velja fimm mismunandi vegalengdir. Smelltu hér til að skoða nánari upplýsingar.
  • Víðavangshlaup ÍR

    Á sumardaginn fyrsta, 20.apríl 2017, fór Víðavangshlaup ÍR fram í 102.sinn. Hlaupinn var 5 km hringur um miðbæ borgarinnar m.a. upp Hverfisgötuna og niður Laugaveginn. Smelltu hér til að skoða nánari upplýsingar.
  • Fjölnishlaup Gaman Ferða

    Þann 25.maí 2017 fór Fjölnishlaupið fram í 28.sinn í Grafarvoginum. Hlaupin var skemmtileg 10 km leið um Grafarvog en einnig var hægt að velja 1,4 km skemmtiskokk. Smelltu hér til að skoða nánari upplýsingar.

  • Miðnæturhlaup Suzuki

    Miðnæturhlaup Suzuki fer fram kvöldið fyrir Jónsmessu þann 23.júní 2017. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Smelltu hér til að skoða nánari upplýsingar. 

  • Ármannshlaup Eimskips

    Að kvöldi 5.júlí fer Ármannshlaup Eimskips 2017 fram. Hlaupið er frá Sundagörðum að Hörpu og til baka á flatri og hraðri braut sem hentar vel til bætinga. Smelltu hér til að skoða nánari upplýsingar. 

Víðavangshlaup ÍR á fimmtudaginn

Powerade Sumarhlaupin 2017 hefjast á sumardaginn fyrsta, fimmtudaginn 20.apríl kl.12, en þá fer Víðavangshlaup ÍR fram í 102. sinn. Bæði er boðið upp á hina hefðbundu 5 km hlaupaleið en einnig er hægt að taka þátt í 2,7 km skemmtiskokki sem er hugsað sem skemmtilegt fjölskylduhlaup. Samhliða hinum aldarlanga viðburði fer Grunnskólahlaup ÍR fram í annað sinn en það er 2,7 km langt og er fyrir nemendur í 7.-10.bekk.

Hlaupin verður einstök 5 km leið í miðbænum sem liggur meðal annars upp Hverfisgötuna, niður Laugaveginn og umhverfis Tjörnina. Örlítil en stórskemmtileg breyting er á hlaupaleiðinni í ár þar sem markið verður á gatnamótum Austurstrætis og Pósthússtrætis.

Skráning í Víðavangshlaup ÍR er í fullum gangi á hlaup.is og verður opin til miðnættis miðvikudaginn 19.apríl, en athugið að þátttökugjald hækkar á miðnætti í kvöld þriðjudaginn 18. apríl. Smelltu hér til að skrá þig. Einnig verður hægt að skrá sig á hlaupdag frá klukkan 9:30 til 11:00 gegn hærra gjaldi.

Vakin er athygli á því að skráning í Grunnskólahlaupið er ókeypis en þar gildir að vera með. Sá skóli sigrar sem á hæsta hlutfall nemenda sem ljúka hlaupinu undir 25 mínútum. Athugið að nemendur geta ekki tekið þátt í báðum hlaupunum eða látið þátttöku í 5 km hlaupinu gilda í Grunnskólahlaupi.

Smelltu hér til að skoða nánari upplýsingar um Víðavangshlaup ÍR 2017.

vidavangshlaup-ir-2

Powerade Sumarhlaupin 2017

Frjálsíþróttafélögin í Reykjavík, Reykjavíkurmaraþon og Powerade standa saman að mótaröð hlaupa í sumar sem nefnist Powerade Sumarhlaupin. Mótaröðin var fyrst sett á laggirnar sumarið 2009 og er þetta því í níunda sinn sem hún er haldin.

Powerade Sumarhlaupin 2017 eru:

VÍÐAVANGSHLAUP ÍR
Sumardaginn fyrsta 20.apríl, 5 km og 2,7 km skemmtiskokk

FJÖLNISHLAUP GAMAN FERÐA
25.maí, 10 km og 1,4 km skemmtiskokk

MIÐNÆTURHLAUP SUZUKI
23.júní, 21,1 km – 10 km – 5 km

ÁRMANNSHLAUP EIMSKIPS
5.júlí, 10 km

REYKJAVÍKURMARAÞON ÍSLANDSBANKA
19.ágúst, 42,2 km – 21,1 km – 10km – 3 km – krakkamaraþon

Verðlaun eru í boði fyrir flest stig samanlagt í hlaupunum fimm í karla og kvennaflokki. Í öllum hlaupunum verða Powerade drykkjarstöðvar, verðlaun og aðgöngumiðar í sund.