• Reykjavíkurmaraþon Íslandsbanka

    Reykjavíkurmaraþon Íslandsbanka 2017 fer fram laugardaginn 19.ágúst. Búast má við að um 15 þúsund manns taki þátt í hlaupinu en hægt er að velja fimm mismunandi vegalengdir. Smelltu hér til að skoða nánari upplýsingar.
  • Víðavangshlaup ÍR

    Á sumardaginn fyrsta, 20.apríl 2017, fór Víðavangshlaup ÍR fram í 102.sinn. Hlaupinn var 5 km hringur um miðbæ borgarinnar m.a. upp Hverfisgötuna og niður Laugaveginn. Smelltu hér til að skoða nánari upplýsingar.
  • Fjölnishlaup Gaman Ferða

    Þann 25.maí 2017 fór Fjölnishlaupið fram í 28.sinn í Grafarvoginum. Hlaupin var skemmtileg 10 km leið um Grafarvog en einnig var hægt að velja 1,4 km skemmtiskokk. Smelltu hér til að skoða nánari upplýsingar.

  • Miðnæturhlaup Suzuki

    Miðnæturhlaup Suzuki fer fram kvöldið fyrir Jónsmessu þann 23.júní 2017. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Smelltu hér til að skoða nánari upplýsingar. 

  • Ármannshlaup Eimskips

    Að kvöldi 5.júlí fer Ármannshlaup Eimskips 2017 fram. Hlaupið er frá Sundagörðum að Hörpu og til baka á flatri og hraðri braut sem hentar vel til bætinga. Smelltu hér til að skoða nánari upplýsingar. 

Vignir og Elín sigruðu í Miðnæturhlaupi Suzuki

Miðnæturhlaup Suzuki fór fram í 25.sinn á föstudagskvöldið. Heildarfjöldi skráninga var 2826 sem er nýtt þátttökumet. Aldrei hafa fleiri erlendir gestir tekið þátt í hlaupinu en þeir voru um 1300 frá 52 löndum. 

Boðið var uppá þrjár vegalengdir: 5 km, 10 km og hálft maraþon. Í 10 km hlaupinu sem er hluti af Powerade Sumarhlaupunum sigruðu Vignir Már Lýðsson og Elín Edda Sigurðardóttir og hafa þau nú tekið forystu í stigakeppni mótaraðarinnarLisa Ring frá Svíþjóð setti nýtt brautarmet í hálfu maraþoni kvenna en hún hljóp á tímanum 1:23:46. 

Að hlaupi loknu var öllum þátttakendum boðið í Laugardalslaug þangað sem flestir fóru til að láta þreytuna líða úr sér.

Fyrstu þrír karlar og konur í mark í hverri vegalengd fengu glæsileg verðlaun frá Suzuki, GÁP, WOW air, Powerade og Íþróttabandalagi Reykjavíkur í trjágöngunum við Þvottalaugarnar í Laugardalnum og voru þeir eftirfarandi í 10 km hlaupinu.

10 km karla

1. Vignir Már Lýðsson, Íslandi 00:34:50 
2. Rimvydas Alminas, Litháen 00:35:06
3. Kurt Michels, Bandaríkjunum 00:35:21

Vignir Már Lýðsson bætti sitt persónulega met með sigrinum en hann átti 35:01 best áður frá því í Fjölnishlaupinu í maí.

10km-kk

10 km kvenna

1. Elín Edda Sigurðardóttir, Íslandi 00:37:40
2. Ashlee Michels, Bandaríkjunum 00:42:03
3. Valgerður Dýrleif Heimisdóttir, Íslandi 00:42:54

Elín Edda Sigurðardóttir jafnaði brautarmet Arndísar Ýrar í 10 km hlaupi kvenna en hún kom á nákvæmlega sama tíma í mark í fyrra.

10km-kvk

Nánari úrslit úr Miðnæturhlaupi Suzuki má finna hér.

Miðnæturhlaup Suzuki næst á dagskrá

Næst á dagskrá Powerade Sumarhlaupanna 2017 er Miðnæturhlaup Suzuki sem fram fer í Laugardalnum föstudagskvöldið 23.júní. Miðnæturhlaupið er þriðja hlaupið af fimm á mótaröðinni.

Forskráning er nú í fullum gangi á marathon.is og verður opin til miðnættis fimmtudaginn 22.júní. Mælt er með því að allir forskrái sig því þátttökugjaldið er lægra í forskráningu. Smelltu hér til að skrá þig.

Í Miðnæturhlaupi Suzuki eru þrjár vegalengdir í boði:

Hálfmaraþon - ræst kl.21:00
5 km hlaup - ræst kl.21:20
10 km hlaup - ræst kl.21:00

Að hlaupi loknu er öllum þátttakendum boðið frítt í sund í Laugardalslaug. Hleypt verður ofan í til kl.00:30 og þurfa allir að fara uppúr í síðasta lagi kl.01. 

Allar nánari upplýsingar um Miðnæturhlaup Suzuki má finna á www.marathon.is/midnaeturhlaup

midnight14