• Reykjavíkurmaraþon Íslandsbanka

    Reykjavíkurmaraþon Íslandsbanka 2017 fer fram laugardaginn 19.ágúst. Búast má við að um 15 þúsund manns taki þátt í hlaupinu en hægt er að velja fimm mismunandi vegalengdir. Smelltu hér til að skoða nánari upplýsingar.
  • Víðavangshlaup ÍR

    Á sumardaginn fyrsta, 20.apríl 2017, fór Víðavangshlaup ÍR fram í 102.sinn. Hlaupinn var 5 km hringur um miðbæ borgarinnar m.a. upp Hverfisgötuna og niður Laugaveginn. Smelltu hér til að skoða nánari upplýsingar.
  • Fjölnishlaup Gaman Ferða

    Þann 25.maí 2017 fór Fjölnishlaupið fram í 28.sinn í Grafarvoginum. Hlaupin var skemmtileg 10 km leið um Grafarvog en einnig var hægt að velja 1,4 km skemmtiskokk. Smelltu hér til að skoða nánari upplýsingar.

  • Miðnæturhlaup Suzuki

    Miðnæturhlaup Suzuki fer fram kvöldið fyrir Jónsmessu þann 23.júní 2017. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Smelltu hér til að skoða nánari upplýsingar. 

  • Ármannshlaup Eimskips

    Að kvöldi 5.júlí fer Ármannshlaup Eimskips 2017 fram. Hlaupið er frá Sundagörðum að Hörpu og til baka á flatri og hraðri braut sem hentar vel til bætinga. Smelltu hér til að skoða nánari upplýsingar. 

Vel heppnað Miðnæturhlaup Suzuki

Miðnæturhlaup Suzuki fór fram í 24.sinn fimmtudaginn 23.júní og var vel heppnað. Framkvæmd hlaupsins gekk vel enda frábært hlaupaveður og aðstæður allar hinar bestu. Þrjú brautarmet voru sett í hlaupinu; í hálfmaraþoni karla, 10 km hlaupi kvenna og 5 km hlaupi kvenna.

Skráðir þátttakendur voru í heild 2640 talsins, 1247 í 5 km, 782 í 10 km og 611 í hálfu maraþoni. Aldrei hafa fleiri erlendir gestir tekið þátt í hlaupinu en þeir voru um 900 talsins frá 50 löndum. Flestir erlendu gestanna komu frá Bandaríkjunum, Bretlandi, Kanada og Þýskalandi.

10 km hlaupið í Miðnæturhlaupi Suzuki er hluti af Powerade Sumarhlaupunum 2016 og voru fyrstu þrír hlauparar í mark eftirfarandi:

Karlar

1. Ingvar Hjartarson, 33:57
2. Hugi Harðarson, 34:39
3. Þórólfur Ingi Þórsson, 35:32

Tími Ingvars er fjórði besti tíminn sem náðst hefur í 10 km hlaupinu í Miðnæturhlaupi Suzuki. Ingvar átti sjálfur 4.besta tímann fyrir þetta hlaup 33:58 frá árinu 2012.

Konur

1. Arndís Ýr Hafþórsdóttir, 37:40
2. Andrea Kolbeinsdóttir, 38:55
3. Helga Guðný Elíasdóttir, 39:47

Tími Arndísar er nýtt brautarmet í 10 km hlaupi kvenna en hún átti sjálf gamla metið, 37:44 sem hún setti árið 2012.

Úrslit í öllum vegalengdum og aldursflokkum má finna hér.

Myndir úr hlaupinu má finna hér en einnig eru myndir á facebook og Instagram.

 midnight-10km-kk-small

midnight-10km-kvk-small

 

Miðnæturhlaup Suzuki næst á dagskrá

Næsta hlaup á dagskrá Powerade Sumarhlaupanna 2016 er Miðnæturhlaup Suzuki sem fram fer fimmtudagskvöldið 23.júní. Hlaupið er það þriðja af fimm hlaupum á mótaröðinni.

Forskráning er nú í fullum gangi á marathon.is og verður opin til miðnættis miðvikudaginn 22.júní. Mælt er með því að allir forskrái sig því þátttökugjaldið er lægra í forskráningu. Smelltu hér til að skrá þig.

Í Miðnæturhlaupi Suzuki eru þrjár vegalengdir í boði:

Hálfmaraþon - ræst kl.21:20
5 km hlaup - ræst kl.21:50
10 km hlaup - ræst kl.22:00

Skráningargögn verða afhent í Laugardalshöll á hlaupdag frá kl.16 og þar til 45 mínútum fyrir ræsingu hverrar vegalengdar. Þar geta þátttakendur einnig geymt dótið sitt á meðan þeir hlaupa en athugið að engin ábyrgð er tekin á verðmætum. Í Laugardalshöll verða til sölu bolir merktir hlaupinu og boðið uppá kaffi frá Ó Johnson & Kaaber.

Að hlaupi loknu er öllum þátttakendum boðið frítt í sund í Laugardalslaug. Hleypt verður ofan í til kl.00:30 og þurfa allir að fara uppúr í síðasta lagi kl.01.  Þá stendur þátttakendum einnig til boða að fara frítt í líkamsrækt en bæði World Class og Hreyfing bjóða vikukort gegn framvísun hlaupanúmers. Gjafabréf Reykjavíkurmaraþons, brúsar frá Camelbak, húfur og töskur frá Suzuki og gjafabréf frá Under Armour eru á meðal verðlauna sem sigurvegarar fá auk þess sem Powerade gefur útdráttarverðlaun. Smellið hér til að fá nánari upplýsingar um verðlaun og fríðindi.

Allar nánari upplýsingar um Miðnæturhlaup Suzuki má finna á www.marathon.is/midnaeturhlaup 

IMG 9995-vef