• Reykjavíkurmaraþon Íslandsbanka

    Reykjavíkurmaraþon Íslandsbanka 2017 fer fram laugardaginn 19.ágúst. Búast má við að um 15 þúsund manns taki þátt í hlaupinu en hægt er að velja fimm mismunandi vegalengdir. Smelltu hér til að skoða nánari upplýsingar.
  • Víðavangshlaup ÍR

    Á sumardaginn fyrsta, 20.apríl 2017, fór Víðavangshlaup ÍR fram í 102.sinn. Hlaupinn var 5 km hringur um miðbæ borgarinnar m.a. upp Hverfisgötuna og niður Laugaveginn. Smelltu hér til að skoða nánari upplýsingar.
  • Fjölnishlaup Gaman Ferða

    Þann 25.maí 2017 fór Fjölnishlaupið fram í 28.sinn í Grafarvoginum. Hlaupin var skemmtileg 10 km leið um Grafarvog en einnig var hægt að velja 1,4 km skemmtiskokk. Smelltu hér til að skoða nánari upplýsingar.

  • Miðnæturhlaup Suzuki

    Miðnæturhlaup Suzuki fer fram kvöldið fyrir Jónsmessu þann 23.júní 2017. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Smelltu hér til að skoða nánari upplýsingar. 

  • Ármannshlaup Eimskips

    Að kvöldi 5.júlí fer Ármannshlaup Eimskips 2017 fram. Hlaupið er frá Sundagörðum að Hörpu og til baka á flatri og hraðri braut sem hentar vel til bætinga. Smelltu hér til að skoða nánari upplýsingar. 

Arndís og Sigurður með forystu

Þegar þremur hlaupum af fimm er lokið á Powerade mótaröð sumarsins eru þau Arndís Ýr Hafþórsdóttir og Sigurður Böðvar Hansen með forystu í stigakeppni mótaraðarinnar.

Arndís Ýr sigraði í Miðnæturhlaupi Powerade á dögunum og í Víðavangshlaupi ÍR á Sumardaginn fyrsta. Þá varð hún í 2.sæti í Olíshlaupi Fjölnis í maí. Næst á eftir Arndísi í stigakeppni kvenna kemur Íris Anna Skúladóttir og þriðja er Margrét Elíasdóttir. Smellið hér til að skoða stigalista Powerade mótaraðarinnar í kvennaflokki.

Forystusauðurinn í stigakeppni karla, Sigurður Böðvar, varð sjöundi í Víðavangshlaupi ÍR, annar í Olíshlaupi Fjölnis og sigraði í Miðnæturhlaupi Powerade. Fast á hæla Sigurðar í 2.sæti stigakeppninnar kemur Jósep Magnússon en í því þriðja er Birkir Marteinsson. Smellið hér til að skoða stigalista Powerade mótaraðarinnar í karlaflokki.

Sigurvegarar á Powerade mótaröðinni hljóta glæsilega ferðavinninga frá Iceland Express. Smellið hér til að skoða nánari upplýsingar um verðlaun á Powerade mótaröðinni.

Frábær þátttaka í Miðnæturhlaupinu

Miðnæturhlaup Powerade fór fram í Laugardalnum í gærkvöld í fínu veðri. Miðnætursólin lét sjá sig öðru hvoru og veður hélst þurrt á meðan hlaupið fór fram þrátt fyrir spár um annað. Skráning í hlaupið var framar björtustu vonum en alls tóku rúmlega 1300 hlauparar þátt. Í fyrra tóku um 830 þátt í hlaupinu og því um verulega fjölgun milli ára að ræða.

Keppnisvegalengdir hlaupsins voru tvær, 5 og 10 km, en einnig var boðið uppá 3 km skemmtiskokk án tímatöku. Fyrstu hlauparar í mark voru eftirfarandi.

10 km - konur 10 km - karlar
1. Arndís Ýr Hafþórsdóttir, 37:50 1. Sigurður Hansen, 33:45 
2. Margrét Elíasdóttir, 41:40 2. Birkir Marteinsson, 34:09 
3. Eva Margrét Einarsdóttir, 41:53 3. Jósep Magnússon, 34:49 
  
5 km - konur 5 km - karlar  
1. Tinna Rut Guðmundsdóttir, 21:03 1. Niklas Jakobson, 17:15 
2. Alma María Rögnvaldsdóttir, 21:48 2. Steinn Jóhannsson, 17:17 
3. Ellen Hansen, 22:02 3. Torben Gregersen, 17:29 

Smellið hér til að skoða nánari úrslit hlaupsins. 

Þeir sem ekki fengu þátttökuverðlaun en létu skrifa sig niður í gær, fá þau send í pósti fljótlega.

Framkvæmdaraðilum hlaupsins þykir miður að hlauparar þurftu frá að hverfa eða gátu ekki hlaupið þá vegalengd sem þeir óskuðu sér. Gert var ráð fyrir  töluverðri aukningu frá síðasta ári, en ekki eins mikilli og raunin varð. Því varð uppselt í 5 km og 10 km hlaupin og undir lokin kláruðust einnig öll númer í 3 km skemmtiskokkið. Við munum skoða framkvæmd hlaupsins og hvað við getum gert til þess að tryggja það að í næsta Miðnæturhlaupi, geti allir hlaupið þá vegalengd sem þeir óska eftir.
 
Við þökkum öllum hlaupurum kærlega fyrir þátttökuna og bjóðum ykkur velkomin að ári í Miðnæturhlaup.