• Miðnæturhlaup Suzuki

    Miðnæturhlaup Suzuki fer fram kvöldið fyrir Jónsmessu þann 23.júní 2017. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Smelltu hér til að skoða nánari upplýsingar. 

  • Ármannshlaup Eimskips

    Að kvöldi 5.júlí fer Ármannshlaup Eimskips 2017 fram. Hlaupið er frá Sundagörðum að Hörpu og til baka á flatri og hraðri braut sem hentar vel til bætinga. Smelltu hér til að skoða nánari upplýsingar. 
  • Reykjavíkurmaraþon Íslandsbanka

    Reykjavíkurmaraþon Íslandsbanka 2017 fer fram laugardaginn 19.ágúst. Búast má við að um 15 þúsund manns taki þátt í hlaupinu en hægt er að velja fimm mismunandi vegalengdir. Smelltu hér til að skoða nánari upplýsingar.
  • Víðavangshlaup ÍR

    Á sumardaginn fyrsta, 20.apríl 2017, fór Víðavangshlaup ÍR fram í 102.sinn. Hlaupinn var 5 km hringur um miðbæ borgarinnar m.a. upp Hverfisgötuna og niður Laugaveginn. Smelltu hér til að skoða nánari upplýsingar.
  • Fjölnishlaup Gaman Ferða

    Þann 25.maí 2017 fór Fjölnishlaupið fram í 28.sinn í Grafarvoginum. Hlaupin var skemmtileg 10 km leið um Grafarvog en einnig var hægt að velja 1,4 km skemmtiskokk. Smelltu hér til að skoða nánari upplýsingar.

Ingvar og Andrea með forystu

Þegar fjórum hlaupum af fimm á mótaröðinni Powerade Sumarhlaupin 2016 er lokið eru þau Ingvar Hjartarson og Andrea Kolbeinsdóttir með forystu í stigakeppninni.

Andrea er með örugga forystu í kvennaflokki með 51 stig og ljóst að enginn getur náð af henni fyrsta sætinu, sama hvernig fer í síðasta hlaupinu sem er Reykjavíkurmaraþon Íslandsbanka. Baráttan um annað sætið er hinsvegar harðari því Helga Guðný Elíasdóttir er í öðru sæti með 34 stig og Arndís Ýr Hafþórsdóttir í því þriðja með 30 stig. 

Í karlaflokki skýrist það ekki fyrr en að loknu Reykjavíkurmaraþoni Íslandsbanka hver verður sigurvegari í stigakeppninni því mjög jafnt er hjá efstu mönnum. Ingvar Hjartarson er efstur með 49 stig, Þórólfur Ingi Þórsson í öðru sæti með 44 stig og Hugi Harðarson þriðji með 43 stig.

Einnig er stigakeppni í sex aldursflokkum karla og kvenna. Smellið hér til að skoða nánar.

powerade sumarhlaupin

Andrea og Ingvar sigruðu í Ármannshlaupi Eimskips

Ármannshlaup Eimskips fór fram miðvikudagskvöldið 8.júlí í fínu hlaupaveðri. Hlaupið var það fjórða í röðinni af fimm á mótaröð Powerade Sumarhlaupanna 2016. Als komu 318 hlauparar í mark við Vöruhótel Eimskips í Sundahöfn en fyrst í mark voru þau Andrea Kolbeinsdóttir og Ingvar Hjartarson.

Andrea Kolbeinsdóttir var fyrst kvenna í mark á tímanum 38:23. Í öðru sæti var Elín Edda Sigurðardóttir á 38:31 og því þriðja Birna Varðardóttir á 38:50.

Ingvar Hjartarson sigraði karlaflokkinn á tímanum 33:29. Í öðru sæti var Hugi Harðarson á 34:00 og í því þriðja Javier Rodriguez á 34:08.

Í Ármannshlaupinu eru gefin verðlaun til þeirra sem bæta sig mest milli ára. Mestu bætinguna í ár áttu Hilmar Þór Karlsson sem bætti sig um 13:42 og Sandra Sæborg Fannarsdóttir sem átti 11:27 mínútum betri tíma en í fyrra.

Heildarúrslit og úrslit í öllum aldursflokkum má finna hér.

Á myndasíðu Frjálsíþróttadeildar Ármanns má finna myndir úr hlaupinu.

armann2016-kk-small

Þrír fyrstu karlarnir í Ármannshlaupi Eimskips 2016

armann2016-kvk-small

Þrjár fyrstu konurnar í Ármannshlaupi Eimskips 2016