• Víðavangshlaup ÍR

    Á sumardaginn fyrsta, 21.apríl 2016, fer Víðavangshlaup ÍR fram í 101.sinn. Hlaupinn er 5 km hringur um miðbæ borgarinnar m.a. upp Hverfisgötuna og niður Laugaveginn. Smelltu hér til að skoða nánari upplýsingar.
  • Fjölnishlaupið

    Þann 26.maí 2016 fer Fjölnishlaupið fram í 28.sinn í Grafarvoginum. Hlaupin er skemmtileg 10 km leið um Grafarvog en einnig er hægt að velja 1,4 km skemmtiskokk. Smelltu hér til að skoða nánari upplýsingar.

  • Miðnæturhlaup Suzuki

    Miðnæturhlaup Suzuki fer fram kvöldið fyrir Jónsmessu þann 23.júní 2016. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Smelltu hér til að skoða nánari upplýsingar. 

  • Ármannshlaup Eimskips

    Að kvöldi 6.júlí fer Ármannshlaup Eimskips 2016 fram. Hlaupið er frá Sundagörðum að Hörpu og til baka á flatri og hraðri braut sem hentar vel til bætinga. Smelltu hér til að skoða nánari upplýsingar. 
  • Reykjavíkurmaraþon Íslandsbanka

    Reykjavíkurmaraþon Íslandsbanka 2016 fer fram laugardaginn 20.ágúst. Búast má við að um 15 þúsund manns taki þátt í hlaupinu en hægt er að velja sex mismunandi vegalengdir. Smelltu hér til að skoða nánari upplýsingar.

Fjölnishlaupið næst á dagskrá

Næsta hlaup á dagskrá Powerade Sumarhlaupanna 2016 er Fjölnishlaupið sem fram fer í Grafarvoginum fimmtudaginn 26.maí næstkomandi. Fjölnishlaupið er annað hlaupið af fimm á mótaröðinni en þetta er í 28.sinn sem það fer fram.

Í Fjölnishlaupinu er hægt að velja um að hlaupa 10 km eða 1,4 km skemmtiskokk. Báðar vegalengdir eru með tímatöku en aðeins 10 km gilda til stiga í stigakeppni Powerade Sumarhlaupanna.

Hlaupaleiðin í 10 km hlaupinu er örlítið breytt frá fyrri árum en eins og áður löglega mæld og afrek því tekin gild í afrekaskrá FRÍ. Sjá kort hér.

Skráning er hafin á hlaup.is og verður opin til miðnættis miðvikudaginn 25.maí.

Smelltu hér til að finna nánari upplýsingar um Fjölnishlaupið 2016.

fjolnishlaupid

Aníta og Kristinn sigruðu í Víðavangshlaupi ÍR

Fyrsta Powerade Sumarhlaupið 2016, Víðvangshlaup ÍR, fór fram í miðbæ Reykjavíkur á sumardaginn fyrsta. Hlaupið var annað fjölmennasta Víðavangshlaup ÍR frá upphafi, 699 hlauparar luku hlaupi en 740 voru skráðir til leiks. Hlaupin var 5 km löng leið um miðbæ Reykjavíkur meðal annars upp Hverfisgötuna og niður Laugaveginn.

Kristinn Þór Kristinsson, Selfossi, var fyrstur karla og Aníta Hinriksdóttir, ÍR, fyrst kvenna. Þau voru bæði krýnd sigurvegarar í 101.Víðavangshlaupi ÍR og Íslandsmeistarar í 5 km götuhlaupi. Annar í karlaflokki var Guðni Páll Pálsson og þriðji Þórólfur Ingi Þórsson. Í kvennaflokki var Andrea Kolbeinsdóttir í öðru sæti og Jóhanna Skúladóttir Ólafs í því þriðja. Heildarúrslit hlaupsins má finna hér.

Víðavangshlaup ÍR hefur verið órjúfanlegur þáttur í hátíðarhöldum Reykjavíkurborgar á sumardaginn fyrsta í eina öld. Hlaupið er elsta hlaup landsins og með elstu almenningshlaupum í Evrópu. Aldrei hefur fallið úr hlaup og er Víðavangshlaup ÍR einn af þeim íþróttaviðburðum sem eiga sér lengsta samfellda sögu hér á landi.

Þau Kristinn og Aníta eru nú með forystu í stigakeppni Powerade Sumarhlaupanna 2016. Smellið hér til að skoða stöðuna í karlaflokki, kvennaflokki og sex aldursflokkum karla og kvenna.

ir-winners-2016