Heim flag

  • 21.júní 2018 

    Miðnæturhlaup verður haldið í tuttugasta og sjötta sinn fimmtudagskvöldið 21. júní 2018. Hægt er að velja á milli þriggja vegalengda. Skráning hefst í janúar 2018.
  • Sumarkvöld í Reykjavík

    Miðnæturhlaup fer fram á bjartasta tíma ársins á Íslandi. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Þátttaka í Miðnæturhlaupi Suzuki er því uppskrift af frábæru sumarkvöldi í Reykjavík.
  • Þrjár vegalengdir

    Í Miðnæturhlaupi Suzuki eru þrjár vegalengdir í boði; hálfmaraþon, 10 km hlaup og 5 km hlaup. Hlaupið hefst á Engjavegi nálægt Laugardalshöll og endar í trjágöngunum við þvottalaugarnar í Laugardal. Að mestu er hlaupið á stígum. Allar hlaupaleiðir eru mældar samkvæmt reglum AIMS.
  • Powerade Sumarhlaupin

    Miðnæturhlaup Suzuki er hluti af Powerade Sumarhlaupunum sem er mótaröð hlaupa í Reykjavík. Verðlaun eru í boði fyrir flest stig samanlagt í hlaupunum fimm í karla og kvennaflokki. Sjá nánar á marathon.is/powerade.

Miðnæturhlaup Suzuki í jólapakkann?

Viltu gefa ávísun á skemmtilega upplifun og hvatningu til aukinnar hreyfingar? Þá er gjafabréf Íþróttabandalags Reykjavíkur sem gildir sem greiðsla í Miðnæturhlaup Suzuki og fjóra aðra íþróttaviðburði góð hugmynd.

Gjafabréfin gilda í fjögur ár og er hægt er að velja upphæð á bilinu 1.000-35.000 kr. Kaupandi fær gjafabréfið sent með tölvupósti innan fárra mínútna eftir að greiðsla berst og getur þá prentað það út og sett í jólapakkann.

Smelltu hér til að kaupa gjafabréf í viðburði á vegum Íþróttabandalags Reykjavíkur.

gjafabref-isl-small

Mikil ánægja með hlaupið

Miðnæturhlaup Suzuki fór fram í fimmtudaginn 23.júní síðastliðinn. Gaman er að segja frá því að samkvæmt niðurstöðu viðhorfskönnunar voru þátttakendur mjög ánægðir með hlaupið og gáfu því góða einkunn. 97% allra þátttakenda mæla með hlaupinu við vini og ættingja og 87% stefna að þátttöku í því á næsta ári.

Margar góðar ábendingar bárust í gegnum könnunin sem unnið verður úr fyrir næst ár. Miðnæturhlaup Suzuki 2017 fer fram föstudaginn 23.júní og hefst skráning í janúar.

Fjórir þátttakendur sem luku könnuninni voru dregnir út og hafa fengið sent 5.000 króna gjafabréf sem hægt er að nota til að greiða þátttökugjöld í hlaup á vegum Reykjavíkurmaraþons.

mh-gledi-2016

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.