Heim flag

  • 21.júní 2018 

    Miðnæturhlaup verður haldið í tuttugasta og sjötta sinn fimmtudagskvöldið 21. júní 2018. Hægt er að velja á milli þriggja vegalengda. Skráning hefst haustið 2017.
  • Sumarkvöld í Reykjavík

    Miðnæturhlaup fer fram á bjartasta tíma ársins á Íslandi. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Þátttaka í Miðnæturhlaupi Suzuki er því uppskrift af frábæru sumarkvöldi í Reykjavík.
  • Þrjár vegalengdir

    Í Miðnæturhlaupi Suzuki eru þrjár vegalengdir í boði; hálfmaraþon, 10 km hlaup og 5 km hlaup. Hlaupið hefst á Engjavegi nálægt Laugardalshöll og endar í trjágöngunum við þvottalaugarnar í Laugardal. Að mestu er hlaupið á stígum. Allar hlaupaleiðir eru mældar samkvæmt reglum AIMS.
  • Powerade Sumarhlaupin

    Miðnæturhlaup Suzuki er hluti af Powerade Sumarhlaupunum sem er mótaröð hlaupa í Reykjavík. Verðlaun eru í boði fyrir flest stig samanlagt í hlaupunum fimm í karla og kvennaflokki. Sjá nánar á marathon.is/powerade.

Myndaveisla

Nú þegar tæpur mánuður er síðan Miðnæturhlaup Suzuki fór fram er tilvalið að fara í gegnum allar myndirnar sem við eigum frá þessu frábæra kvöldi. Við höfum sett mikið af myndum inná facebook síðu hlaupsins sem hægt er að skoða hér en einnig tóku ljósmyndarar frá hlaup.is myndir þetta kvöld. Þær myndir er hægt að nálgast og kaupa hér.

Margir hlauparar tóku þátt í Instagram leiknum okkar í ár og höfum við nú valið þrjár vinningsmyndir og hafa eigendur þeirra verið látnir vita.

Við hlökkum til að sjá sem flesta á næsta ári!

andresminnasigrun

Vel heppnað Miðnæturhlaup Suzuki

Miðnæturhlaup Suzuki fór fram í 24.sinn í kvöld og var vel heppnað. Framkvæmd hlaupsins gekk vel enda frábært hlaupaveður og aðstæður allar hinar bestu. Þrjú brautarmet voru sett í hlaupinu í kvöld; í hálfmaraþoni karla, 10 km hlaupi kvenna og 5 km hlaupi kvenna.

Skráðir þátttakendur voru í heild 2640 talsins, 1247 í 5 km, 782 í 10 km og 611 í hálfu maraþoni. Aldrei hafa fleiri erlendir gestir tekið þátt í hlaupinu en þeir voru um 900 talsins frá 50 löndum. Flestir erlendu gestanna komu frá Bandaríkjunum, Bretlandi, Kanada og Þýskalandi. Þátttökumet

Fyrstu þrír hlauparar í mark í hverri vegalengd voru eftirfarandi:

Hálfmaraþon karla

1. Benjamin P Zywicki (USA), 01:07:47
2. Kári Steinn Karlsson, 01:09:29
3. Harry Lupton (IRL), 1:13:25

Benjamin sigraði á nýju brautarmeti í hálfmaraþoninu en tími Kára Steins er næst besti tími sem náðst hefur í hlaupinu frá upphafi.

Hálfmaraþon kvenna

1. Sigrún Sigurðardóttir, 01:33:23
2. Helen Keeley (GBR), 01:33:50
3. Bergey Stefánsdóttir, 01:34:54

Tími Sigrúnar er 4.besti tími kvenna í hálfmaraþoni kvenna í Miðnæturhlaupi Suzuki frá upphafi. Sigrún hefur hlaupið þrjú hálfmaraþon í ár og er þetta besti tími hennar til þessa á árinu.

10 km karla

1. Ingvar Hjartarson, 33:57
2. Hugi Harðarson, 34:39
3. Þórólfur Ingi Þórsson, 35:32

Tími Ingvars er fjórði besti tíminn sem náðst hefur í 10 km hlaupinu í Miðnæturhlaupi Suzuki. Ingvar átti sjálfur 4.besta tímann fyrir þetta hlaup 33:58 frá árinu 2012.

10 km kvenna

1. Arndís Ýr Hafþórsdóttir, 37:40
2. Andrea Kolbeinsdóttir, 38:55
3. Helga Guðný Elíasdóttir, 39:47

Tími Arndísar er nýtt brautarmet í 10 km hlaupi kvenna en hún átti sjálf gamla metið, 37:44 sem hún setti árið 2012.

5 km karla

1. Aaron Rowe (USA), 15:44
2. Sigurjón Ernir Sturluson, 16:59
3. Maxime Fages-Lartaud (FRA), 17:24

Aaron hljóp á öðrum besta tíma sem náðst hefur í 5 km hlaupinu frá upphafi.

5 km kvenna

1. Guðlaug Edda Hannesdóttir, 18:00
2. Olivia Sidock (CAN), 19:29
3. Hrönn Guðmundsdóttir, 20:02

Guðlaug Edda hljóp 5 km á nýju brautarmeti en gamla metið átti Hrönn Guðmundsdóttir sem var í þriðja sæti í kvöld, 19:27 frá árinu 2014.

Heildarúrslit og úrslit í öllum aldursflokkum má finna hér.

Ljósmyndarar hlaup.is voru á staðnum og reyndu að ná myndum af flestum þátttakendum á hlaupaleiðinni. Myndirnar þeirra verða birtar eftir helgi. Ljósmyndir sem starfsmenn hlaupsins tóku má finna hér á heimasíðunni en einnig eru myndir á facebook og Instagram.

 MG 9203

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.