Heim flag

  • 21.júní 2018 

    Miðnæturhlaup verður haldið í tuttugasta og sjötta sinn fimmtudagskvöldið 21. júní 2018. Hægt er að velja á milli þriggja vegalengda. Skráning hefst í janúar 2018.
  • Sumarkvöld í Reykjavík

    Miðnæturhlaup fer fram á bjartasta tíma ársins á Íslandi. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Þátttaka í Miðnæturhlaupi Suzuki er því uppskrift af frábæru sumarkvöldi í Reykjavík.
  • Þrjár vegalengdir

    Í Miðnæturhlaupi Suzuki eru þrjár vegalengdir í boði; hálfmaraþon, 10 km hlaup og 5 km hlaup. Hlaupið hefst á Engjavegi nálægt Laugardalshöll og endar í trjágöngunum við þvottalaugarnar í Laugardal. Að mestu er hlaupið á stígum. Allar hlaupaleiðir eru mældar samkvæmt reglum AIMS.
  • Powerade Sumarhlaupin

    Miðnæturhlaup Suzuki er hluti af Powerade Sumarhlaupunum sem er mótaröð hlaupa í Reykjavík. Verðlaun eru í boði fyrir flest stig samanlagt í hlaupunum fimm í karla og kvennaflokki. Sjá nánar á marathon.is/powerade.

Truflun á umferð

Miðnæturhlaup Suzuki 2018 fer fram fimmtudaginn 21.júní. Líkt og undanfarin ár má búast við truflun á umferð vegna hlaupsins. 

Fyrsta hlaup er ræst kl.21:00 og má reikna með að allir hlauparar verði komnir í mark á miðnætti. Að mestu er hlaupið á stígum en þó að hluta til á götum. Vegna hlaupsins verður því truflun á umferð auk þess sem loka þarf nokkrum götum í stutta stund meðan hlauparar fara hjá.

Lokanir á götum

  • Miðbik Engjavegar við Laugardalshöll lokað kl.17:00-22:00. Opið að bílastæðum við Skautahöll og vestan við Laugardalshöll 
  • Engjavegur alveg lokaður kl. 20:45-21:30
  • Gnoðarvogur við Engjaveg kl. 20:50-23:50
  • Álfheimar milli Ljósheima og Suðurlandsbrautar kl. 20:50-23:50
  • Skeiðarvogur milli Sólheima og Suðurlandsbrautar kl. 20:50-23:50
  • Reykjavegur kl.21:20-21:45

Truflun á umferð

Skeiðarvogur og Álfheimar við Suðurlandsbraut kl. 21:20-23:00
Rauðagerði kl. 21:00-23:40

Bílastæði

  • Fyrir aftan Laugardalshöll til kl.20:45
  • Á Suðurlandsbraut - yfirleitt næg laus stæði eftir kl.18
  • Við húsnæði KFUM og KFUK á Holtavegi og Langholtsskóla 

Smellið hér til að kort af hlaupaleiðum í Miðnæturhlaupi Suzuki.

lokanir 550x232

Marksvæði 2018

Eftirfarandi eru upplýsingar um skipulag á marksvæði í Miðnæturhlaupi Suzuki 2018.

Allar vegalengdir verða ræstar frá sama stað, fyrir utan Laugardalshöllina, næst Skautahöllinni í Laugardal. Hálft maraþon og 10 km verða ræst á sama tíma, klukkan 21:00. 5 km hlaupið verður síðan ræst klukkan 21:20. Þátttakendur í öllum vegalengdum koma í mark í trjágöngunum við Húsdýra- og fjölskyldugarðinn.

Smellið hér til að skoða kort af hlaupaleiðum.

MH18-kort-marksvedi

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.