Hlauparar í Miðnæturhlaupi Suzuki 2013 hlaupa framhjá líkamsræktarstöðvunum Hreyfingu og World Class. Báðar stöðvar bjóða öllum hlaupurum vikukort í líkamsrækt gegn framvísun hlaupnúmers.

Í World class verður hlaupnúmerið stimplað en í Hreyfingu þarf að skila hlaupnúmerinu inn. Hlauparar geta því nýtt sér þetta frábæra tilboð á báðum stöðum.

Þökkum World class og Hreyfingu fyrir glæsilega gjöf og vonum að hún komi að góðum notum hjá hlaupurum.

Velkomin(n) á nýja heimasíðu Miðnæturhlaups Suzuki!

Skráning er hafin í Miðnæturhlaup Suzuki 2013 sem fram fer að kvöldi 24. júní. Netskráning verður opin til miðnættis þann 23. júní en einnig verður hægt að skrá sig á hlaupdag frá klukkan 16:00 og þar til hálftíma fyrir ræsingu hvers hlaups. Athygli er vakin á því að á hlaupdag er hærra verð en ef skráð er í netskráningu.

Í Miðnæturhlaupi Suzuki eru þrjár vegalengdir, hálfmaraþon, 10 km hlaup og 5 km hlaup. Við hvetjum þig til að kynna þér hvað þátttaka í Miðnæturhlaupinu hefur upp á að bjóða hérna á heimasíðunni.

Skráðu þig til leiks með því að smella á hnappinn "Skráðu þig í næsta hlaup" í flýtivalinu hægra megin á síðunni.