Heim flag

Rannsóknir

Þær Anna Dóra Sæþórsdóttir og Katrín Anna Lund hjá Land- og ferðamálafræðistofu Háskóla Íslands hafa notað Laugavegshlaupið í tveimur rannsóknum sínum. Með því að smella á heiti rannsóknanna hér að neðan er hægt að skoða þær í heild sinni.

Landslag á hreyfingu: Langhlaup um Laugaveginn
Markmið með rannsókninni var að skoða hvernig hlauparar tengjast náttúru og landslagi á leið sinni yfir hálendið sérstaklega í ljósi þess sem haldið hefur verið fram að það séu athafnir og hreyfingar líkamans í landslaginu sjálfu sem skapi upplifun og sýn fólks af því.

Fjallamaraþon og ferðamennska á Laugaveginum
Í þessari grein eru kynntar niðurstöður rannsóknar sem gerð var meðal þátttakenda í Laugavegshlaupinu sumarið 2007. Leitast er við að varpa ljósi á hvers vegna fólk tekur þátt í hlaupinu og hvernig keppendur upplifa hlaupið og náttúruna sem þeir hlaupa í.

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.