Heim flag

Fullt í Laugavegshlaupið 2017

Fullbókað er nú í Laugavegshlaupið 2017 og hefur skráningu því verið lokað. Ekki verður boðið uppá skráningu á biðlista. Þeim sem ekki náðu að skrá sig í ár er bent á að Laugavegshlaupið 2018 fer fram laugardaginn 14.júlí og hefst skráning í janúar 2018.

Hlauparar frá 33 löndum víðsvegar um heiminn eru skráðir til þátttöku en rúmlega helmingur þeirra er búsettur á Íslandi. Smellið hér til að skoða lista yfir skráða þátttakendur.

Í júní fá skráðir þátttakendur boð um að panta sæti í rútu hlaupsins, morgunmat og heitan mat á marksvæði. Þegar nær dregur hlaupi verða einnig sendar upplýsingar um ástand hlaupaleiðarinnar, veðurspá o.fl. Allur póstur er sendur frá netfanginu This email address is being protected from spambots. You need JavaScript enabled to view it. . Mælt er með því að setja netfangið inn sem tengilið svo að mikilvægar upplýsingar fari í ekki í ruslpóstsíur.

16-141-4196 IMG

Skráning er hafin

Skráning í Laugavegshlaupið 2017 sem fram fer laugardaginn 15.júlí er hafin hér á marathon.is. Skráning verður opin til 30.júní nema fullbókað verði í hlaupið fyrir þann tíma.

Upplýsingar um verð, skilmála, tímatakmörk o.fl. eru aðgengilegar í valmyndinni hér að ofan.

Hlauparar sem ekki hafa tekið þátt í Laugavegshlaupinu eru hvattir til að lesa greinina "Er Laugavegshlaupið fyrir þig?". Þar er farið yfir þau skilyrði sem þátttakendur þurfa að uppfylla í þessu krefjandi hlaupi.

Smelltu hér til að skrá þig.

5-DSCF2411

Skráning hefst 11.janúar

Laugavegshlaupið fer fram í 21.sinn laugardaginn 15.júlí 2017. Skráning í hlaupið hefst í 11.janúar 2017. Árið 2016 varð uppselt í hlaupið í mars og því er mælt með að þau sem stefna á þátttöku skrái sig fyrr en síðar. Upplýsingar um verð og skilmála skráninga verða aðgengilegar hér á marathon.is í lok desember.

Í hugum margra hlaupara er Laugavegshlaupið skemmtilegasta hlaupið á Íslandi. Á þessari krefjandi leið verða hlauparar vitni að ótrúlegri náttúrufegurð. Göngugarpar eru venjulega 4 daga á leið sinni um Laugaveginn. Á leiðinni er gengið á sandi og möl, í grasi og snjó, á ís, í ám og lækjum. Tímatakmörk eru í hlaupinu og því ættu aðeins mjög vel æfðir hlauparar að skrá sig.

Áhugaverðir tenglar fyrir fólk sem stefnir að því að hlaupa Laugavegshlaupið:

Er Laugavegshlaupið fyrir þig?

Myndir frá hlaupaleiðinni

Myndbönd

Umfjallanir og blogg frá þátttakendum

16-141-4196 IMG

Gjafabréf í jólapakkann

Viltu gefa ávísun á skemmtilega upplifun og hvatningu til aukinnar hreyfingar? Þá er gjafabréf Íþróttabandalags Reykjavíkur sem gildir sem greiðsla í Laugavegshlaupið og fjóra aðra íþróttaviðburði góð hugmynd.

Gjafabréfin gilda í fjögur ár og er hægt er að velja upphæð á bilinu 1.000-35.000 kr. Kaupandi fær gjafabréfið sent með tölvupósti innan fárra mínútna eftir að greiðsla berst og getur þá prentað það út og sett í jólapakkann.

Smelltu hér til að kaupa gjafabréf í viðburði á vegum Íþróttabandalags Reykjavíkur.

gjafabref-isl-small

Laugavegshlaupið 2017

Laugavegshlaupið fer fram í 21.sinn laugardaginn 15.júlí 2017. Skráning í hlaupið hefst í byrjun janúar 2017. Árið 2016 varð uppselt í hlaupið í mars og því er mælt með að þau sem stefna á þátttöku skrái sig fyrr en síðar. Upplýsingar um verð og skilmála skráninga verða aðgengilegar hér á marathon.is í lok desember.

Í hugum margra hlaupara er Laugavegshlaupið skemmtilegasta hlaupið á Íslandi. Á þessari krefjandi leið verða hlauparar vitni að ótrúlegri náttúrufegurð. Göngugarpar eru venjulega 4 daga á leið sinni um Laugaveginn. Á leiðinni er gengið á sandi og möl, í grasi og snjó, á ís, í ám og lækjum. Tímatakmörk eru í hlaupinu og því ættu aðeins mjög vel æfðir hlauparar að skrá sig.

Áhugaverðir tenglar fyrir fólk sem stefnir að því að hlaupa Laugavegshlaupið:

Myndir frá hlaupaleiðinni

Myndbönd

Umfjallanir og blogg frá þátttakendum

Mikilvæg atriði fyrir þátttakendur

16-141-4196 IMG

Sébastien Camus og Jo Meek sigruðu

Sigurvegarar í Laugavegshlaupinu 2016 eru þau Sébastien Camus frá Frakklandi og Jo Meek frá Bretlandi. Sigurvegarinn í kvennaflokki, Jo Meek frá Bretlandi kom í mark á nýju brautarmeti, 5:00:46. Gamla metið var 5:00:55 en Angela Mudge setti það árið 2012. Sigurvegarinn í karlaflokki var Sébastien Camus frá Frakklandi á 6.besta tíma karla frá upphafi.

Fyrstu þrír karlar

1. Sébastien Camus, Frakklandi, 4:24:26
2. Michael Wardian, Bandaríkjunum, 4:34:37
3. Benoit Thomas Branger, Frakklandi, 4:35:38

Fyrsti íslenski karl í mark var í fjórða sæti, Guðni Páll Pálsson á tímanum 4:40:19. Guðni bætti sinn besta tíma um 11 mínútur en hann hljóp á 4:51:08 í fyrra.

Fyrstu þrjár konur

1. Jo Meek, Bretlandi, 5:00:46 (brautarmet)
2. Naomi Imaizumi, Japan, 5:25:43
3. Moira Davie, Bretlandi, 5:27:09

Fjórða kona í mark og fyrsta íslenska konan var Elísabet Margeirsdóttir á tímanum 5:34:03 sem er tveggja sekúndna bæting á hennar besta tíma frá árinu 2014.

Myndir af verðlaunahöfum eru komnar á Facebook síðu hlaupsins og Instagram.

Heildarfjöldi hlaupara sem kom í mark í dag var 408. Smelltu hér til að skoða úrslit.

jo-winner-2016 sebastien-winner-2016

Uppfærð veðurspá

Aðstæður á Laugaveginum eru góðar og nýjasta veðurspá er líka góð. Samkvæmt spá Veðurvaktarinnar í dag bendir allt til hæglætis veðurs. Hæg austlæg átt í Landmannalaugum í upphafi hlaups og þurrviðri en líkur á skúrum víða á leiðinni eftir hádegi. Vindur snýst í hæga breytilega eða vestlæga eftir því sem sunnar dregur. Smellið á kortið fyrir neðan til að skoða nánar.

lv-vedurspa-fostudag-isl

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.