Heim flag

12% aukning í skráningum

Laugardaginn 19.ágúst fer Reykjavíkurmaraþon Íslandsbanka 2017 fram. Skráning í hlaupið gengur mjög vel en nú þegar hafa um 8600 skráð sig til þátttöku sem er 12% fleiri en á sama tíma í fyrra. Flestir hafa skráð sig í 10 km hlaupið eða tæplega 4000 manns en næst flestir í hálft maraþon þar sem rúmlega 2400 eru skráðir.

Fimm vegalengdir eru í boði og því ættu allir aldurshópar og getustig að geta fundið eitthvað við sitt hæfi:

Maraþon (42,2 km)
Hálfmaraþon (21,1 km)
10 km hlaup
Skemmtiskokk
Furðufatahlaup Georgs (fyrir 8 ára og yngri)

Skráning í hlaupið fer fram hér á marathon.is og verður rafræn skráning opin til kl.13 fimmtudaginn 17.ágúst. Einnig er hægt að skrá sig á skráningarhátíð hlaupsins í Laugardalshöll en þá er þátttökugjald hærra.

skraning reykjavik

solfarid-2016

 

Hlaupastyrkur.is

Hlaupurum í Reykjavíkurmarmaraþoni Íslandsbanka gefst kostur á að hlaupa til styrktar góðu málefni. Þeir sem velja að hlaupa til góðs fá sérstakt svæði á áheitavefnum hlaupastyrkur.is þar sem þeir geta sett inn mynd af sér og hvatt fólk til að heita á sig. Árið 2016 skráðu 4.187 hlauparar sig á hlaupastyrkur.is og söfnuðu 97 milljónum til góðra málefna.

Hægt er að velja milli um 150 góðgerðafélaga til að hlaupa fyrir strax í skráningarferlinu hér á marathon.is. Einnig er hægt að bíða með það að velja félag og gera það síðar hér á hlaupastyrkur.is. Málefnin sem hægt er að hlaupa fyrir eru mjög fjölbreytt og því ættu allir að finna eitthvað sem stendur hjarta þeirra næst.

Nú þegar hafa 11,6 milljónir safnast á hlaupastyrkur.is í ár sem er 33% hærri upphæð en á sama tíma í fyrra. 

hlaupastyrkur

Skráning í fullum gangi

Reykjavíkurmaraþon Íslandsbanka fer fram í 34.sinn laugardaginn 19.ágúst 2017. Skráning í hlaupið er í fullum gangi hér á marathon.is og hafa nú þegar rúmlega 5000 skráð sig í hlaupið.

Fimm vegalengdir eru í boði og því ættu allir aldurshópar og getustig að geta fundið eitthvað við sitt hæfi:

Maraþon (42,2 km)
Hálfmaraþon (21,1 km)
10 km hlaup
Skemmtiskokk
Furðufatahlaup Georgs (fyrir 8 ára og yngri)

Allir sem stefna á þátttöku í hlaupinu eru hvattir til að skrá sig eigi siðar en mánudaginn 3.júlí því eftir það hækkar þátttökugjaldið. Smelltu hér til að skrá þig.

skraning reykjavik

hlaup

Viltu hlaupa til góðs?

Hlaupurum í Reykjavíkurmarmaraþoni Íslandsbanka gefst kostur á að hlaupa til styrktar góðu málefni. Þeir sem velja að hlaupa til góðs fá sérstakt svæði á áheitavefnum hlaupastyrkur.is þar sem þeir geta sett inn mynd af sér og hvatt fólk til að heita á sig. Árið 2016 skráðu 4.187 hlauparar sig á hlaupastyrkur.is og söfnuðu 97 milljónum til góðra málefna.

Hægt er að velja milli yfir 100 góðgerðafélaga til að hlaupa fyrir strax í skráningarferlinu á marathon.is. Einnig er hægt að bíða með það að velja félag og gera það síðar hér á hlaupastyrkur.is. Málefnin sem hægt er að hlaupa fyrir eru mjög fjölbreytt og því ættu allir að finna eitthvað sem stendur hjarta þeirra næst.

Fulltrúar góðgerðafélaganna eru mjög duglegir við að fara út á brautina og hvetja hlaupara til dáða. Þegar nær dregur hlaupi verður hægt að skoða yfirlit yfir hvatningarstöðvar félaganna.

Reykjavikurmarathon-Eyjo-070 mini

 

Meira en 3000 skráðir

Reykjavíkurmaraþon Íslandsbanka 2017 fer fram laugardaginn 19.ágúst. Meira en 3000 þátttakendur eru nú skráðir í hlaupið, þar af rúmlega 1000 Íslendingar og tæplega 2000 af öðrum þjóðernum.

Flestir skráðir þátttakendur ætla í hálft maraþon eða rúmlega 1000 manns en um 900 hafa skráð sig í 10 km hlaup og maraþon. Kynjahlutfall skráðra þátttakenda er nokkuð jafnt, 54% konur og 46% karlar.

Rafræn skráning í hlaupið verður opin til klukkan 13 fimmtudaginn 17.ágúst en allir eru þó hvattir til að skrá sig sem fyrst þar sem þátttökugjaldið hækkar eftir því sem nær dregur hlaupinu.

Smelltu hér til að skrá þig.

3km-2016

Núna er rétti tíminn til að skrá sig

Núna er rétti tíminn til að skrá sig í Reykjavíkurmaraþon Íslandsbanka 2017 fyrir þá sem vilja tryggja sér lægsta mögulega þátttökugjaldið. Við hvetjum alla til að skrá sig og sína fyrir fimmtudaginn 16.mars því þá hækkar gjaldið.

Reykjavíkurmaraþon Íslandsbanka 2017 fer fram laugardaginn 19.ágúst og eru fjórar vegalengdir í boði auk krakkamaraþons:

Maraþon
Hálfmaraþon
10 km hlaup
3 km skemmtiskokk
Krakkamaraþon

Skráning í Reykjavíkurmaraþon Íslandsbanka fer fram hér á marathon.is. Hægt er að greiða með bæði kredit og debet kortum. Á meðan rafræn skráning í hlaupið er opin á marathon.is er hægt að gera bæði vegalengda og nafnabreytingar.

Smelltu hér til að skrá þig.

maraþon -1004 Small

Auglýsingaherferð verðlaunuð

Auglýsingaherferðin Mín áskorun" sem Íslandsbanki stóð fyrir í tengslum við Reykjavíkurmaraþon Íslandsbanka 2016 hlaut í dag Áru verðlaunin. Verðlaunin fær sú auglýsingaherferð sem hefur þótt sýna framúrskarandi árangur og voru þau veitt við hátíðlega athöfn á ÍMARK deginum í Hörpu í dag.

Herferðin hófst á „auglýsingu” um minningartónleika til heiðurs tónlistarmanninum Valdimari. Sú auglýsing var upphafið á herferðinni þar sem Valdimar var fylgt í gegnum undirbúning fyrir Reykjavíkurmaraþon Íslandsbanka.

Það var auglýsingastofan ENNEMM sem vann herferðina með Íslandsbanka og óskar Reykjavíkurmaraþon þeim til hamingju með frábæran árangur.

V2-170319909

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.