Heim flag

  • Laugavegshlaupið 2017

    Laugavegshlaupið fer fram í 21.sinn laugardaginn 15.júlí 2017. Skráning í hlaupið opnar 11. janúar 2017 og líkur 30.júní nema fullt verði í hlaupið fyrir þann tíma. Upplýsingar um verð, skilmála o.fl. má finna í valstikunni fyrir ofan. Er Laugavegshlaupið fyrir þig?
  • Krefjandi hlaup

    Mjög mikilvægt er að allir þátttakendur í Laugavegshlaupinu undirbúi sig vel fyrir þá miklu áskorun sem hlaupið er. Smellið hér til að finna upplýsingar um það sem hlauparar ættu að hafa í huga þegar þeir undirbúa sig fyrir þátttöku í hlaupinu.. 
  • Laugavegshlaupið

    Laugavegshlaupið er 55 km utanvegahlaup en Laugavegurinn tengir saman Landmannalaugar og Þórsmörk á sunnanverðu hálendi Íslands, tvær sannkallaðar náttúruperlur. Göngugarpar eru venjulega 4 daga á leið sinni um Laugaveginn en hröðustu hlaupararnir fara leiðina á 4-5 klukkustundum. 

Uppfærð veðurspá

Aðstæður á Laugaveginum eru góðar og nýjasta veðurspá er líka góð. Samkvæmt spá Veðurvaktarinnar í dag bendir allt til hæglætis veðurs. Hæg austlæg átt í Landmannalaugum í upphafi hlaups og þurrviðri en líkur á skúrum víða á leiðinni eftir hádegi. Vindur snýst í hæga breytilega eða vestlæga eftir því sem sunnar dregur. Smellið á kortið fyrir neðan til að skoða nánar.

lv-vedurspa-fostudag-isl

Veðurspá

Veðurvaktin hefur gert veðurspá fyrir Laugavegshlaupið 2016 og er von á uppfærðri spá frá þeim aftur á morgun.

Samkvæmt spá Veðurvaktarinnar lítur út fyrir hæglætis veður á laugardaginn. Hæg austlæg átt í Landmannalaugum í upphafi hlaups og þurrviðri en líkur á skúrum á seinni helmingi leiðarinnar eftir hádegi. Vindur snýst í hæga breytilega átt og síðar vestlæga eftir því sem sunnar dregur. Smelltu á kortið hér fyrir neðan til að skoða nánar.

Þó að veðurspá sé góð er mikilvægt að allir hafi tiltækan þann klæðnað sem áður var búið að ráðleggjaMikilvægt er að hlauparar láti tösku með hlýjum fatnaði til að klæðast eftir hlaup í rútu hlaupsins í Landamannalaugum sem verður flutt inní Þórsmörk og þeir finna í farangurstjaldi á marksvæði.

Rétt er að ítreka að þó að drykkjarstöðvar séu á leiðinni er nauðsynlegt að hver og einn hlaupari hafi meðferðis drykkjarbrúsa og orkugel eða aðra næringu. Til að losna við klístur og rusl sem fylgir gelbréfum er ráðlagt að setja innihald gelbréfanna í brúsa. Það hefur reynst hlaupurum vel að fá sér einn og einn sopa af geli alla leiðina. Auk þess hefur reynst vel að hafa meðferðis salttöflur eða eina teskeið af salti í plastpoka sem hægt er að fá sér nokkur korn af og skola niður með vatni. Drykkjarstöðvar á hlaupaleiðinni eru í Hrafntinnuskeri, við Álftavatn, á söndum við innri Emstruá, í Emstrum, við Ljósá og við Þröngá.

Óheimilt er með öllu að kasta rusli frá sér á leiðinni. Vinsamlega leggið ykkar af mörkum að skilja við hlaupaleiðina eins og enginn hafi farið þar um. Hver og einn þarf að passa uppá að missa ekki frá sér sín gelbréf og drykkjarmál og aðrar umbúðir utan af mat, plástrum o.fl. Hægt er að losa sig við rusl á drykkjarstöðvum og á marksvæðinu í Þórsmörk.

lv-vedurspa-fimmtudag

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.