Heim flag

  • Laugavegshlaupið 2017

    Laugavegshlaupið fer fram í 21.sinn laugardaginn 15.júlí 2017. Skráning í hlaupið opnar 11. janúar 2017 og líkur 30.júní nema fullt verði í hlaupið fyrir þann tíma. Upplýsingar um verð, skilmála o.fl. má finna í valstikunni fyrir ofan. Er Laugavegshlaupið fyrir þig?
  • Krefjandi hlaup

    Mjög mikilvægt er að allir þátttakendur í Laugavegshlaupinu undirbúi sig vel fyrir þá miklu áskorun sem hlaupið er. Smellið hér til að finna upplýsingar um það sem hlauparar ættu að hafa í huga þegar þeir undirbúa sig fyrir þátttöku í hlaupinu.. 
  • Laugavegshlaupið

    Laugavegshlaupið er 55 km utanvegahlaup en Laugavegurinn tengir saman Landmannalaugar og Þórsmörk á sunnanverðu hálendi Íslands, tvær sannkallaðar náttúruperlur. Göngugarpar eru venjulega 4 daga á leið sinni um Laugaveginn en hröðustu hlaupararnir fara leiðina á 4-5 klukkustundum. 

Cintamani nýr samstarfsaðili

Laugavegshlaupið kynnir með stolti nýjan samstarfsaðila, Cintamani, en nýlega var skrifað undir samstarfssamning við fyrirtækið til þriggja ára. Í yfir 20 ár hefur Cintamani mótað íslenskan fatastíl með því að sameina undir einu merki hátækniefni og nútímalegan stíl fyrir hversdagsfatnað kvenna, karla og barna. Cintamani er bæði útivistarfatnaður og flottur götuklæðnaður en hentar einnig vel við iðkun íþrótta.

Cintamani fatnaðurinn ver notendur vel fyrir veðri og vindum og því einstaklega góður samstarfsaðili fyrir Laugavegshlaupið þar sem allra veðra er von. Allir þátttakendur í Laugavegshlaupinu 2016 fá Cintamani bol við afhendingu gagna fyrir hlaupið en Cintamani gefur einnig fyrstu þremur körlum og fyrstu þremur konum í mark glæsileg verðlaun.

Kíkið við á cintamani.is til að skoða úrvalið.

cintamani-logo

Skráning hefst í janúar

Laugavegshlaupið fer fram í 20.sinn laugardaginn 16.júlí 2016. Skráning í hlaupið hefst 8.janúar og verður hún opin til 30.júní nema full bókað verði í hlaupið fyrir þann tíma. Upplýsingar um verð og skilmála skráninga verða aðgengilegar hér á marathon.is í lok desember.

Í hugum margra hlaupara er Laugavegshlaupið skemmtilegasta hlaupið á Íslandi. Á þessari krefjandi leið verða hlauparar vitni að ótrúlegri náttúrufegurð. Göngugarpar eru venjulega 4 daga á leið sinni um Laugaveginn. Á leiðinni er gengið á sandi og möl, í grasi og snjó, á ís, í ám og lækjum. Smelltu hér til að skoða myndir af hlaupaleiðinni.

8-IMG 6698

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.