Heim flag

  • Laugavegshlaupið 2017

    Laugavegshlaupið fer fram í 21.sinn laugardaginn 15.júlí 2017. Skráning í hlaupið opnar 11. janúar 2017 og líkur 30.júní nema fullt verði í hlaupið fyrir þann tíma. Upplýsingar um verð, skilmála o.fl. má finna í valstikunni fyrir ofan. Er Laugavegshlaupið fyrir þig?
  • Krefjandi hlaup

    Mjög mikilvægt er að allir þátttakendur í Laugavegshlaupinu undirbúi sig vel fyrir þá miklu áskorun sem hlaupið er. Smellið hér til að finna upplýsingar um það sem hlauparar ættu að hafa í huga þegar þeir undirbúa sig fyrir þátttöku í hlaupinu.. 
  • Laugavegshlaupið

    Laugavegshlaupið er 55 km utanvegahlaup en Laugavegurinn tengir saman Landmannalaugar og Þórsmörk á sunnanverðu hálendi Íslands, tvær sannkallaðar náttúruperlur. Göngugarpar eru venjulega 4 daga á leið sinni um Laugaveginn en hröðustu hlaupararnir fara leiðina á 4-5 klukkustundum. 

Skilmálar

Greiðsluskilmálar og almennir skilmálar

Við skráningu í hlaup á vegum Reykjavíkurmaraþons þurfa þátttakendur að haka við að þeir samþykki greiðsluskilmála og almenna hlaupsins. Ef ekki er hakað í samþykki fyrir skilmálum er ekki hægt að skrá sig í hlaupið. Smellið hér til að skoða skilmálana.

Skilmálar um þátttökurétt

Ekki er hægt að breyta skráningu úr einu nafni yfir í annað né færa skráningu yfir á næsta ár. Skráður þátttakandi er ábyrgur fyrir hlaupanúmeri og öðrum gögnum sem honum hefur verið úthlutað. Honum er ekki heimilt að láta það öðrum í té, til þátttöku í hlaupinu. Sá sem hleypur með númer sem ekki er skráð á hann af mótshaldara er ekki gildur þátttakandi.

Endurgreiðsla

Endurgreiddur er hluti þátttökugjalds vegna forfalla ef óskað er eftir því fyrir tilsettan dag og eru þeir eftirtaldir:

Fyrir 1. mars - 75% endurgreiðsla
Fyrir 1. júlí - 50% endurgreiðsla

Ósk um endurgreiðslu þarf að berast á netfangið This email address is being protected from spambots. You need JavaScript enabled to view it. . Gefa þarf upp fullt nafn, kennitölu, upplýsingar um bankareikning og símanúmer, auk rafrænnar greiðslukvittunar sem berst á þitt netfang við skráningu. Athugið að hafi bankaupplýsingar ekki borist fyrir 31. ágúst 2017 fellur úr gildi beiðni um endurgreiðslu þátttökugjalds, þó hún hafi verið send fyrir 1.júlí.

Hlaupari sem skráir sig úr Laugavegshlaupinu getur ekki fengið hlaupagögn afhend.

Allar beiðnir um endurgreiðslu sem berast eftir auglýstan tíma verða ekki teknar til greina. Hlauparar sem ekki sjá sér fært að taka þátt eftir að frestur til að fá endurgreiðslu rennur út eru þó hvattir til að láta vita að þeir mæti ekki með tölvupósti á netfangið This email address is being protected from spambots. You need JavaScript enabled to view it. .

Skilmálar sem þátttakendur þurfa að undirrita við afhendingu gagna

Með undirritun minni staðfesti ég eftirfarandi:

Ég er í nægilega góðu ástandi bæði líkamlegu og andlegu til þess að taka þátt í og ljúka Laugavegshlaupinu.

Ég staðfesti að ég hef áttað mig á erfiðleikastigi 55 km Laugavegshlaups sem liggur um hálendi Íslands þar sem veður getur verið slæmt og færð erfið.

Ég hef kynnt mér tímamörk sem eru 4 klst við Álftavatn (22 km) og 6 klst við Emstrur (38 km) og veit að allir þeir sem ekki ná tímamörkum verða stöðvaðir (án undanþágu).

Ég skil að hlutverk framkvæmdaaðila og starfsmanna hlaupsins felst ekki í að “bjarga” þátttakendum sem eru illa undirbúnir þjálfunarlega, næringarlega, eða skorta viðeigandi útbúnað. Öryggi hvers hlaupara er á hans eigin ábyrgð og hann þarf að hafa færni til að takast á við óvæntar aðstæður.

Ég hef lesið og skilið reglur Laugavegshlaupsins og samþykki þær.

Ég samþykki að fara eftir þeim leiðbeiningum sem starfsmenn hlaupsins leggja til og þigg þá aðstoð sem þeir álíta að þurfi vegna öryggis míns og annarra.

Sem þátttakandi í Laugavegshlaupinu 2017 afsala ég mér öllum rétti til skaðabóta frá Reykjavíkurmaraþoni (framkvæmdaraðili Laugavegshlaupsins), starfsmönnum og öðrum samstarfsaðilum hlaupsins, vegna meiðsla, veikinda, slyss, eða annarra ófyrirsjáanlegra atvika sem ég gæti orðið fyrir í Laugavegshlaupinu 2017.

Smellið hér til að skoða reglur hlaupsins og hér til að skoða upplýsingar um tímatakmörk.

Verðlaun

Þeir hlauparar sem ljúka hlaupinu hljóta þátttökuverðlaun.

Auk þess eru eftirfarandi viðurkenningar veittar:

  • Þrír fyrstu karlar og þrjár fyrstu konur hljóta sérverðlaun
  • Þrír fyrstu karlar og þrjár fyrstu konur fá vegleg verðlaun frá Cintamani.
  • Þrír fyrstu karlar og þrjár fyrstu konur fá 15.000 kr gjafabréf í hlaup á vegum Reykjavíkurmaraþons.
  • Þrír fyrstu karlar og þrjár fyrstu konur í hverjum aldursflokki fá verðlaunagrip
  • Fyrsta sveit í mark í hverri tegund sveitakeppninnar hlýtur verðlaunagrip

verdlaun

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.