Heim flag

  • Laugavegshlaupið 2015

    Laugavegshlaupið fer fram í 19.sinn laugardaginn 18.júlí 2015. Skráning í hlaupið opnar í janúar hér á marathon.is. Upplýsingar um keppnisfyrirkomulag o.fl. má finna í valstikunni hér fyrir ofan.
  • Laugavegshlaupið

    Laugavegshlaupið er 55 km utanvegahlaup en Laugavegurinn tengir saman Landmannalaugar og Þórsmörk á sunnanverðu hálendi Íslands, tvær sannkallaðar náttúruperlur. Göngugarpar eru venjulega 4 daga á leið sinni um Laugaveginn en hröðustu hlaupararnir fara leiðina á 4-5 klukkustundum. 
  • Vefverslun

    Í vefverslun Reykjavíkurmaraþons má finna jakka, boli o.fl. merkt Laugavegshlaupinu. Allar vörur eru sendar með Íslandspósti og greiðsla fer fram á öruggri greiðslusíðu Valitors. Kíktu endilega við og sjáðu hvort þú finnir eitthvað við þitt hæfi eða jafnvel gjöf fyrir góðan vin. Slóðin er www.marathon.is/shop.
  • Krefjandi hlaup

    Ef þú hefur ekki tekið þátt í Laugavegshlaupinu áður mælum við með því að þú horfir á myndböndin hér á síðunni. Þau gefa mjög góða mynd af því við hverju er að búast í þeirri krefjandi áskorun sem Laugavegshlaupið er auk þess að sýna hina ótrúlegu náttúrufegurð sem hlauparar njóta á leið sinni um Laugaveginn.

Skráning viðbótarupplýsinga

Laugavegshlaupið 2015 nálgast óðfluga. Við vonum að undirbúningur hlaupara gangi vel og þeir séu um það bil að verða klár í slaginn.

Allir hlauparar þurfa nú að fara inn á „mínar síður“ á marathon.is og skrá inn umbeðnar upplýsingar vegna hlaupsins. Um er að ræða skráningu á áætluðum lokatíma og ósk um að vera í ráshóp með ákveðnum hlaupafélögum. Á sama stað getur þú pantað sæti í rútu hlaupsins, morgunmat í Hrauneyjum og heitan mat í Þórsmörk. Síðasti dagur til að skrá þessar upplýsingar er föstudagurinn 3. júlí. Eftir þann tíma lokar skráningin.

Notendanafn hlaupara á „mínar síður“ er kennitalan viðkomandi og lykilorðið sem kom í tölvupósti við skráningu í hlaupið. Smellt er á „i“ merkið undir aðgerðir til að komast á upplýsingasíðuna. Hér er hægt að sækja nýtt lykilorð ef það er týnt. Athugið að stundum fer þessi póstur beint í rusl hólfið.

Eins og fram hefur komið í fréttum er mikill snjór í Hrafntinnuskeri en skálaverðir eru komnir til starfa í Landmannalaugum, Álftavatni og Emstrum. Spennandi verður að fylgjast með næstu daga hversu hratt snjóinn tekur upp og hvernig færðin verður á hlaupdag 18.júlí. Dagana fram að hlaupi fá hlauparar nánari upplýsingar um veður, færð o.fl. og eru því beðnir að fylgjast vel með tölvupóstinum sínum. Vinsamlega hafið samband á netfangið This email address is being protected from spambots. You need JavaScript enabled to view it.  ef póstar eru ekki að berast.

Hægt er að sjá lista yfir skráða þátttakendur hér. Athugið að ekki vildu þó allir að nafn sitt birtist á þessum lista.

Að lokum minnum við á að allar beiðnir um endurgreiðslu 50% þátttökugjalds og þar með afskráningu úr hlaupinu þurfa að berast fyrir 1.júlí. Sjá nánar um endurgreiðslu hér í skilmálum hlaupsins.

5-DSCF2411

Skráning er hafin

Skráning í Laugavegshlaupið 2015 sem fram fer laugardaginn 18.júlí er hafin hér á marathon.is. Skráning verður opin til 30.júní nema fullbókað verði í hlaupið fyrir þann tíma.

Smellið hér til að skoða upplýsingar um verð og skilmála skráninga.

Hlauparar eru hvattir til að kynna sér vel allar upplýsingar um hlaupið hér á heimasíðunni. Góður undirbúningur er sérstaklega mikilvægur í þessu krefjandi hlaupi.

Smelltu hér til að skrá þig.

16-141-4196 IMG

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.