Heim flag

Hraðahólf

Þátttakendur í öllum vegalengdum koma til með að hlaupa á mismunandi hraða. Þar sem fjöldi er mikill og til að forðast þrengsli í upphafi og árekstrum og frammúrtöku á fyrstu km, er mikilvægt að þátttakendur áætli hlaupahraða sinn og finni viðeigandi hraðahólf í Lækjargötu.

Á meðfylgjandi korti er yfirlit um staðsetningu og lit hraðahólfa þar sem merking vísar til lokatíma hlaupsins. Merkingar á staðnum verða með þeim hætti að hvert hólf verður afmarkað með skilti í ákveðnum lit með áætluðum loka tíma.

Gula hraðahólfið er fyrir keppnishlaupara sem eiga möguleika á að vera í fremstu sætum í sinni vegalengd og eiga tíma sem er minni en 1:35 í hálfu maraþoni eða minni en 40 mínútur í 10 km hlaupi. Næst hraðastir fara í rautt hólf, síðan grænt, þá blátt, síðan svart, svo hvítt og að lokum fjólublátt. Til þess að gæta öryggis allra þátttakenda þurfa þeir sem eru í hjólastól með og án fylgdarmanna og þeir sem hlaupa 10 km á meira en 65 mínútum, að hefja hlaup í aftasta hólfi. Þeir sem búa ekki yfir reynslu til að geta metið áætlaðan hraða sinn er einnig bent á að staðsetja sig í aftasta hólfi.

Í 10 km hlaupi er miðað við lokatíma á 5 mínútna bili í hverju hólfi. Maraþon og hálfmaraþon er startað á sama tíma og blandast þátttakendur í hólfum án tillits til vegalengdar. Merking hólfa á við lokatíma í hálfmaraþoni. Þeir sem hlaupa maraþon taka mið af því út frá eigin markmiðum. 

Athugið að flögutímataka er í hlaupinu og því fá allir hlauparar sinn persónulega tíma frá því þeir fóru yfir marklínuna og þangað til þeir komu í mark. Sjá nánar um tímatöku hér.

Hraðastjórar verða staðsettir innan hraðahólfa, merktir blöðrum með ákveðnum tíma. Ræst verður af stað í öllum tímatökuvegalengdum báðu megin Lækjargötu.

hradaholf-10     42 21 hradaholf

 

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.