Heim flag

Þjónusta

Eftirfarandi eru upplýsingar um þá þjónustu sem veitt er hlaupurum á hlaupdag í Reykjavíkurmaraþoni Íslandsbanka.

Fatageymsla

Upplýsingamiðstöð á hlaupdegi verður í Menntaskólanum í Reykjavík (MR). Þar geta keppendur komið fatnaði og öðru dóti fyrir í geymslu. Starfsmenn vakta geymsluna en þó er engin ábyrgð tekin á fjármunum sem þar eru geymdir. Opnunartími fatageymslu er frá kl. 7:00-15:00.

Óskilamunir

Farið verður með alla óskilamuni í upplýsingamiðstöðina í MR á hlaupdegi. Opnunartími upplýsingamiðstöðvarinnar er kl. 7:00-15:00. Eftir hlaupið verður hægt að nálgast óskilamuni á skrifstofu Reykjavíkurmaraþons á Engjavegi 6, 104 Reykjavík. Símanúmerið á skrifstofunni er 535 3700.

Skyndihjálp

Sjúkragæsla með lækni og hjúkrunarfræðingum er á marksvæði að loknu hlaupi. Aðstoð á meðan hlaupinu stendur á hlaupaleið veita almennir starfsmenn hlaupsins. Sú þjónusta felst í því að hringja eftir þeirri hjálp sem þarf hverju sinni.

Salerni

Færanleg salerni verða við Menntaskólann í Reykjavík og nálægt 4,5km, 8km, 13km, 18,5km, 21km, 25km, 31km, 36km og 40km. Sjá nánar á korti af hlaupaleiðum.

Drykkjarstöðvar

Á um það bil fimm kílómetra fresti kemur þú að drykkjarstöð. Þar er boðið upp á Powerade íþróttadrykk og vatn. Keppendum í maraþoni er einnig boðið upp á banana á drykkjarstöðvum á seinni helming leiðarinnar. Í Lækjargötu, við endamarkið, er drykkjarstöð fyrir allar vegalengdir. Sjá nánar á kortum af hlaupaleiðum.

Nákvæmar staðsetningar drykkjarstöðva eru: 4km, 8km, 13km, 16km, 18km, 21km (bananar), 25km, 31km (bananar), 34km, 37km (bananar) og 40km. Hægt er að fá eigin drykki flutta á drykkjarstöðvar við 21km og 31km. Afhenda þarf drykkina í merktum flöskum á úrlausnaborði á skráningarhátíð í Laugardalshöll daginn fyrir hlaup.

Hlaupaleiðin

Hlaupaleiðin er merkt með örvum með neon spreyi. Fjöldi hlaupinna kílómetra má sjá reglulega á skiltum eða appelsínugulum keilum. Því miður er leiðin ekki algerlega lokuð fyrir akandi umferð og því eru hlauparar beðnir að fara varlega. Smellið hér til að skoða kort af hlaupaleiðum.

Sund

Reykjavíkurborg býður öllum þátttakendum í Reykjavíkurmaraþoni Íslandsbanka í sund á hlaupdag eða daginn eftir hlaup. Framvísa þarf sundmiða sem fylgir með í hlaupagögnum hlaupara til að fá frían aðgang. Smellið hér til að skoða upplýsingar um sundlaugarnar í Reykjavík og opnunartíma þeirra.

laekjargata custom

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.