Heim flag

Þjónusta á hlaupaleiðinni

Drykkjarstöðvar

Aðaldrykkjarstöðvar eru við Hrafntinnusker, Álftavatn, Emstrur og Þórsmörk þar sem boðið er upp á drykki (vatn og Powerade) og banana. Boðið verður upp á súkkulaði og Coca Cola í Emstrum og í markinu. Einnig verða drykkir á leiðinni, á söndunum, við Kápu og Þröngá og svo er hægt að drekka lindarvatn úr lækjum og ám eftir árferði. Sjá nánar í meðfylgjandi töflu.

Á drykkjarstöðvum eru starfsmenn sem hellt hafa drykkjum í glös, vatni og powerade. Vegna umhverfissjónarmiða eru það vinsamleg tilmæli til þátttakenda að nota eingöngu eitt glas á mann og henda því frá sér í þar til gert ruslaílát á drykkjarstöðinni. Drykkjarstöðvar eru allar utandyra og erfitt getur verið að hamla að glös fjúki út í verður og vind. Það besta í stöðunni væri að hver og einn hefði meðferðis sitt eigið glas (gúmíbolla), sem væri hægt að fylla á. 

Drykkjarstöð  KM  Vatn Powerade Coke Cola Sýrópsvatn Bananar Súkkulaði Saltkex Brauð Ávexir
Hrafntinnusker 10 x x x
Álftavatn 22 x x x x x x
Sandar 32 x
Emstrur 38 x x x x x x x x
Ljósá 46 x x x x
Þröngá 50 x x x x x
Húsadalur 55 x x x x x x x

Salerni

Salerni eru í Landmannalaugum, Hrafntinnuskeri, Álftavatni, Emstrum og Þórsmörk. Algjört bann er við losun mannlegs úrgangs utan salerna.

Talning og öryggisþjónusta

Starfsmenn á hlaupaleiðinni sjá um talningu í öryggisskyni við Álftavatn og gæta tímamarka í Álftavatni og Emstrum. Einnig veita þeir öryggisþjónustu yfir þær ár sem talið er að hjálpar sé nauðsynlega þörf.

Auka farangur

Auka farangur þátttakenda verður fluttur að Bláfjallakvísl. Athugið að þessi farangur fer beint til Reykjavíkur eftir hlaup, hann fer aldrei í Þórsmörk. 

Starfsmenn

Starfsmenn Reykjavíkurmaraþons sjá um skipulag og framkvæmd Laugavegshlaupsins, þeir eru staðsettir við upphaf hlaups í Landmannalaugum og á marksvæði í Þórsmörk. Starfsmenn hlaupsins á leiðinni eru hlaupahópur frá Selfossi, Frískir Flóamenn, og með þeim björgunarsveitarfólk frá Selfossi. Alls eru það fimmtíu menn og konur með fimm fjallabíla sem þjónusta hlaupara á leiðinni. Aðrir starfsmenn eru staðsettir í Húsadal og eru þeir flestir sjálfboðaliðar úr röðum hlaupara. Læknir og hjúkrunarfræðingar verða staðsettir við endamark í Húsadal.

Að gefnu tilefni skal það tekið fram að á stórum hluta leiðarinnar eru starfsmenn ekki sjáanlegir. Gengið er útfrá því að þátttakendur hafi kynnt sér vel leiðarlýsingu og séu þannig búnir að þeir geti beðið lengi eftir aðstoð ef upp koma meiðsli eða annað óvænt.

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.