Heim flag

Hlauptu til góðs

Hlaupurum í Reykjavíkurmarmaraþoni Íslandsbanka gefst kostur á að hlaupa til styrktar góðu málefni. Þeir sem velja að hlaupa til góðs fá sérstakt svæði á áheitavefnum hlaupastyrkur.is þar sem þeir geta sett inn mynd af sér og hvatt fólk til að heita á sig.

Hægt er að velja góðgerðafélag til að hlaupa fyrir strax í skráningarferlinu á marathon.is. Einnig er hægt að bíða með það að velja félag og gera það síðar með því að velja "nýskráning" á hlaupstyrkur.is.

Árið 2016 skráðu 4.187 hlauparar sig á hlaupastyrkur.is og söfnuðu 97 milljónum til góðra málefna. Smelltu hér til að skoða nánari upplýsingar um áheitasöfnun Reykjavíkurmaraþons Íslandsbanka.

Góðgerðafélögin sem taka þátt í áheitasöfnuninni á hlaupastyrkur.is fjölmenna mörg útá götu og hvetja hlaupara til dáða á hlaupdag. Eins og sjá má á meðfylgjandi mynd vekur það mikla gleði bæði hjá hlaupurum og hvatningarfólkinu sjálfu.

Reykjavikurmarathon-Eyjo-070 mini

 

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.